تفسير الاحلام(احكي حلمك)

حرصا مني علي افادتكم
وحرصا مني علي راحتكم
وخوفا مني عليكم من تقاويل هذا وذاك
كتبت لكم هذا الموضوع
انا الوحيده القائمه علي هذا الموضوع
كل مايمكن ان تجدوه في احلامكم
باذن الله يمكنني تفسيره
وهذا بعد قراءه ودرايه بهذا العلم لمدي اكثر من 5 سنوات
احكي لينا عن حلمك
وباذن الله نقوم بتفسيره معك التفسير الشرعي الاسلامي الصحيح
دون تلاعبا او تحريفا فيه

منتظرة ارائكم واحلامكم وباذن الله ربنا يقدرني واقدر افيدكم

_________________

انتى يا همس اللى هتفسرى
اوك يا عم ندخل انا اول ضحية
اقصد واحد يجرب يعنى
دلوقتى بقى انا كنت زمان باحلم دايما انى باجرى و مرة واحدة باقع من فوق برج عااالى
و افوق على كدة وكان بيتكرر كتير ايام الثانوى
بس دلوقتى اعتقد انه خلااص بطل
اقدر اعرف اي التفسير ؟؟
_________________

There's just too much that time cannot erase
When you cried I'd wipe away all of your tears
When you'd scream I'd fight away all of your fears
And I held your hand through all of these years
But you still have
All of me

الركض بالحلم وخصوصا بالظروف الصعبه اللي كنت بيها اي ايام الامتحانات
دا معناه انك بتحارب علشان النتيجه او المجموع العالي
والبرج العالي دا بيبقي مكانتك اللي انت عاوز توصلها وخايف موت علي انك مش تلحقها
وبما انه كان بيتكرر كتير دا تبيه او حلم عادي بيبقي مجرد افكار عقلك الباطن بينبهك ليها
يعني انت لو مش زاكرت كويس واجتهدت(الجري يعني بالحلم)
ممكن مش تجيب المجموع الي عاوزة(سقوطك من البرج العالي)
بس ياسيدي اي خدمه
زرونا تجدوا ما يسركم
هههههههههههههههه
_________________

ايه ده اول مره اعرف ان فى عندنا عالمه فى المنتدى
طيب يا هموسه وانا احب اكون الزبون التانى
انا بقى حلمت حلم غريب
حلمت انى كنت عند حماده ومامته واخواته فى البيت وهو نزل يشترى لينا حاجات واخته جرت على الشباك علشان كانت عايزه تقولو على حاجه كمان يجبها وسئلت صحابه قالتلهم حماده فين قالولها ده حماده (مات) وجت قالتلنا ايه الى صحاب حماده بيقولوه ده بيقولولى ان حماده مات فأحنا جرينا على الشباك لاقينا ان الناس ملمومه وبجد حصل كده انا نزلت اجرى من عندهم وبابايه جيه لاقانى واقفه تحت البيت قالى انتى هنا ليه قلتله انا مستنيه حماده هو جايلى هو قالى انه هيخرجنى انهارده قلتله كده وانا بعيط اعد يهدى فيه وعايزين يطلعونى عندهم فى البيت وانا اقولهم حرام عليكم ده كان هيبقى بيتى انا وهوه مش هقدر ادخله وهو مش موجود وكنت بفتكر لما انا وهو كنا بنبقى واقفين نهزر مع بعض فى البلكونه وعلى السلم وتحت العماره وكل حاجه وكانو قاعدين يجرجرو فيه عشان اطلع وانا مش راضيه وصحيت لاقين نفسى بعيط جامد
يلا بقى شدى حيلك ورينا الهمه وربنا يكون فى عونك لانى عارفه ان الحلم طويل شويه

_________________

twin soul hamada

لمن يريد مس زنوبه فى دقيقتين
http://www.shbab1.com/2minutes.htm

بجد اهلا بيكي
ثانيا انتي بتحبيه اوي اوي كده
ربنا يوفقكم بجد
ومش تقلقي البكاء فرج وفرح كبير (خير عظيم الشان)
والموت دا اجله طويل مش تقلقي من الموت
وكلامك عن بيتك انتي وهو وانك كنتي عندهم وسط اهله
فدا بيدل عن ان اهله بيحبوكي اوي
وبجد هيبقي في خير عظيم عندهم بدليل انك عندهم بكيتي

معني ذلك ان حلمك كان بيدل عن حياتك المستقبليه وباذن الله تكون مثمرة وجميله
الله يوفقك
_________________

مرسيى يا هموسه اوى ده انا كنت مخنوقه موووووووت من الحلم ده
_________________

twin soul hamada

لمن يريد مس زنوبه فى دقيقتين
http://www.shbab1.com/2minutes.htm

ولا يهمك ياقمر انتي تأمري
_________________

اخاف اقول حلمى لانك للاسف جيتى متأخر يا همس
لو كنتى قلتى من فتره قريبه كنت قلتلك يمكن استريح

بس انا عايز اقول حاجه بعد اذنك ما هى الفائده من تفسير الاحلام طالما ان الحلم لو كان ليه علاقه بالواقع
كده او كده حيتحقق وخاصه ان الانسان لو علم الغيب لاختار الواقع
يبقى ايه الفايده اننا نعيش متأثرين بالاحلام؟
_________________

لا تسخرى من قلب عشقك حتى الذل فأن هذا الذل ما هو الا قمه الكبرياء[/b]

[b]

بس كده انت تامر
ابقي قولي حلمك باي وقت
وفايده التفسير اهااااااااااااااااا

هاقولك ياسيدي
في بعض الاحيان بتحس ان الحلم وحش ومدلوله بيكون جميل جدا والعكس
دا غير اشاسا الفرق اللي بين الحلم والرؤيا
الحلم دا بيبقي نتيجه ضغوط الحياه وتاثرك بشيء ما (يعني بيبقي افكارك من الاخر بس كل حسب تفسيره للموقف)
وبعض الاحلام تكون كما حلمت بيها ودي بيطلق عليها حقيقيه
والبعض الاخر تنفذ بالعكس حسب حالتك او دا بيكون تبع كذا حلم مع تحقيقهم ودي بيطلق عليها احلام معكوسه(عكس ما توقعت يعني)

وبالحلم بيبقي زي الاقتراحات وانت تسلك اللي انت عاوزةعكس الرؤيا فهي امر واقع من الخالق عز وجل
لذا فالرؤيا فهي من عند الله عز وجل وبتبقي لاشياء مستقبليه ولا يجوز الحول دونها
بس ياسيدي اي خدعه
_________________

بصى ياستى

انا بقى الزبونه الثالثه

انا بقى جيت ايام على طول بقيت احلم بثعبان حوليه بس الحمد لله مش اذانى

ومرات تانيه بقيت اقوم اصرخ وافتح النور عشان كنت بشوف اسود ونمور حوليه بس الحمد لله بردو مفيش اى حاجه من دى اذيتنى

وحلمت حلم مرة اكشن شويه انى معايا بنت خالتى صغيره جدااا حوالى سنتين كدا وفيه ناس عايزة تخطفها منى وبقيت اجرى واخبيها منهم فى مكان كدا عامل زى مكان قطر او عربيات نقل كبيرة ( مكان مهجور) كدا والحمد لله محدش اذاها لان البوليس فى الاخر مسكهم

وحلمت مرتين بحلم بشع جدااااااااا شكله لسه قدامى مش نسياه ... اننا قاعدين فى مدرج فى الكليه بس مدرج مفتوح يعنى فى الشارع كدا وكنا بالليل وبناخد المحاضره بس كنا اولاد وبنات مع ان قسمنا بنات بس وكل اللى حوليه ناس مش اعرفها مش زميلاتى خالص ... وفجاه فيه صاروخ وطلقات جيت علينا دمرت واحد ياعينى بشكل بشع بس قعدت اعيط كتير اوى بس كان حلم بشع جدااااااااااااا

معلش بقى احلامى كتير شويه اهو عندك ياستى اربع احلام ياريت تقوليلى بقى عشان انا بحلم احلام مزعجه دايما وهزعجك معايا بقى استحملينى بقى

واضح انك هتعملى زباين كتير هنا
والمنتدى مجرد دعايا ليكي
ممممممممممم
عموما
موضوع فالجون وبرجح انه يتثبت
هسال سؤال بس مش حكى

هو لما حد يجي فمنام ويكون بيشرب لبن
ده بيدل على ايه....
شكرااااااااااااا
_________________

DANCE as no one is watching you

LOVE as you have never been hurt before

SING as no one can hear you

LIVE as heaven is on earth

جماعه معلش متزعلوش منى عشان انا مش قادر مهزرش على الموضوع ده
مش عشان الموضوع وحش لا ده بالفعل هو موضوع جامد فعلا وبجد يستحص التثبيت ومش التثبيت وبس انما محتاج قسم لوحده وتكون همس الحب مشرفه عليه كمان

وجاء وقت الهزار لان نايت مبيقدرش يسكت

لو مش عايزينى اهزر انا حسكت
ياريت تقولوا لى اهزر ولا لا

وانا كمان هحكى الحلم بتاعى واتريقوا براحتكوا
_________________

لا تسخرى من قلب عشقك حتى الذل فأن هذا الذل ما هو الا قمه الكبرياء[/b]

[b]

الحلم الاول
انا ووالدتى ماشيين فى نهر بس ممكن تمشى فيه مش حتغرق متخفش امشى عشان توصلل للى انت عايزه بس حتوصل
حتى لو الطريق طويل بس اخر الطريق حتلاقى اللى بتتمناه
ماشى انا وامى مع بعض جنب بعض خطوه بخطوه

لكن الطريق طاااااااال اوى وانت مش عارف انت ماشى فين لانك ماشى وسط نهر يعنى ممكن فجأه تلاقى نفسك بتغرق وخايف على نفسك وعلى امك كمان اللى معاك

لكن انت برده عايز تمشى ومبسوط انك ماشى لانك مش متخيل ان الموضوع صعب
لانك مش قادر تتخيل ايه اللى ممكن تواجهه قدام
وفجأه تلاقى النهر اللى ملوش ضفاف عشان تمشى عليها بدل ما تمشى فى المياه تلاقى بيت ظهر قصادك وفى اتنين واقفين قصاد البيت فتسألهم هو الطريق منين عشان اوصل يقولوا لك افضل ماشى فى النهر او اطلع من فوق الكوبرى اللى هناك اللى انت شايفه بعينك فااااااااااااضى وعشان تطلع عليه حترجع تانى اللى انت مشيته عشان الكوبرى ماشى جنب النهر بالظبط من اوله لااخره
وبتبص بعينك مع الراجل على الكوببرى اللى بيشاور عليه تلاقى ان الكوببرى فاااااااضى عشان عليه اسد كبيررررر اوى اوى مستحيل مستحيل مستحيل يسمح لاى حد انه يمشى على الكوبرى اسد كبير ضخم مش بحجم الاسد الطبيعى حتى واضح على وجهة علامات الغضب والجوع كل وظيفته انه يلتهم كل من تسول له نفسه عبور هذا الكوبرى
لكن الطريق الاخر هو النهر ولكن لا تسير فى المنطقه القادمه وانت متهاون فى السير
لانها عميقه جدا جدا فلا تفكر فى ان تأخذ قرارك بالعبور الا وانت واثق تمام الثقه انك سباح ماهر لانك ان لم تكن تجيد السباحه لغرقت حتما لا مفر
فكر جيدا وانظر ان كنت تجيد السباحه ام لا فانك ان قررت السباحه فانك اما ان تصل الى ما تريد واما ان تغرق فانك حتى لن تستطيع ان تعود فخذ قرارك جيدا وتمهل فيه
فاذا بى اتخذ قرارى للمضى فى النهر وامسك بيد امى لكى نذهب فى اتجاه النهر ولكن ينتهى الحلم دون ان اعرف هل ستأتى معى امى ام لا
لا اعرف هل ما اذهب اليه من مشقه سوف اصل الى خير ام ان كل ما تمناه فى اخر الطريق ما هو الا سراب وحينما اصل ليه لن اجده كما رايته

اقروا كلكم الحلم انا قصدت اوصفه ليكم وصف دقيق عشان تحاولوا تعيشوا فيه وتخيلوا نفسكم فيه
لانه حلم حقيقه واقعى وليه علاقه بالواقع
فسرى يا همس
_________________

لا تسخرى من قلب عشقك حتى الذل فأن هذا الذل ما هو الا قمه الكبرياء[/b]

[b]

انا بقى ياستى فيه حلمين كمان

الاول
ان فيه عنكبوت كبير اوى وقع على ايدى وقرصنى كمان فانا ضربته بالرغم انى بخاف اضرب نموسه مش عارفه ضربته فى الحلم ازاى ومات ووقع على الارض

الثانى
ان انا روحت مع اتنين من زميلاتى فى الكليه مدرسه كبيره اوى ماشاء الله وعامله زى القصر شيك جدا وليها طرق كتيرة تدخلى وتطلعى منها بس انا روحت المدرسه معاهم هما يعنى انا اول مرة اشوفها بس هما يظهر كانو تربيه عملى فيها او حاجه المهم بقيت اطلع وانزل مع الاطفال وفرحانه انى شايفاهم قدامى .... الاخر شافتنا مديرة المدرسه فقالتلى تعالى يلا روحى قوده المدرسين قولتلها لاء معلش عشان لسه هسافر فقالتلى بجد قولتلها والله بسافر المنصورة ودول بيسافرو اسكندريه(زميلاتى ) قامت شدانى من ايدى جامد لدرجه انها وجعتنى اوى طول الحلم المهم انا مشيت كلامى بردو وسيبتهم كلهم ومشيت وانا زعلانه ونزلت على السلالم وخرجت من المدرسه خالص... بس الغريب ان بواره المدرسه دى حوالى 50 سنتى فى 50 سنتى وهى عاملاها كدا عشان الاطفال ميخرجوش برة المدرسه بس انا بردو خرجت من البوابه دى وكنت مبسوطه انى خرجت بس زميلاتى مخرجوش منها وفضلت مستنياهم بره شويه
وخلص الحلم

ايون كده
ابتدينا الشغل الصح
المهم انا هابدا ارد الردود العاديه

اولا
لدكتور ميكو
ميرسي ياجميل اخجلتم تواضعنا
وشرب اللبن بالحلم دا بيختلف من الرؤيا للحلم العادي اي الظروف المحاطه بصاحب الحلم
بس بكلتا الاحوال اللبن بالمنام بيكون عباره عن شويه مشاكل او زعل زي مابيقولوا
يعني هو اكيد خير بس في حاجه بتحصل بتجيب مشاكل وبتزعل صاحب المنام

ثانيا
لنايت
حد قالك مش تهزر وحد قالك ان احنا بنزعل من الهزار
لا يا سيدي هزن براحتك
وردا علي تفسير حلمك(استني اقرائه)
الي عاجبني اوي فيه يانايت علاقتك الوثيقه الوطيده بوالدتك وخوفك عليها
بص بقي ياعم نايت
النهر دا خير ورزق من الله عز وجل وحسب مدي تعمقك بيه بيكون رزقك
يعني لو غرقت فيه دا يااااااااااه كلنا بنتمني الرزق والخير دا كله
النهر دا بيدل عن حياتك تقريبا الحاليه والخير والرزق اللي ربنا عطاه ليك
والبيت اللي انت قابلته والشخصين هما اشياء هتغير مجري حياتك او اشخاص هتغير مجري حياتك
وهينصحوك اوقاتا وهيضلوك الاخري(منفعه وتعب او الم)
وانت عليك تقرر هل هتستفيد منهم ولا هتتعب منهم
بيدلوك علي الخير العظيم وهو انك قدامك طريقين تمشي فيهم لتوصل
الاول وهو الكوبري انك هتعلي بس للاسف هيبقي حواليك كتير بيكرهوك ونفسه يتخلصو منك
والتاني انك تكمل حياتك كما انت عليها (اي النهر) وبعد فتره قد تقصر او تطول
هتجد من الخير والرزق ما يزيد حتي يفيض
بس في شرط علشان تكمل في طريقك داالا وهو:
انك تكون شخص ماهر صبور وذكي(سباح ماهر)
وانت اخترت الطريق الخير والرزق الرباني الخالي من الشكوك والظنون
ودا حالك دلوقتي انك ماشي بطريقك وانت مش عارف هتوصل لايه بس سايب نفسك حسب ماربك يريد
خليك بالطريق دا ومش تستعجل حسب قولك :

لكن الطريق طاااااااال اوى وانت مش عارف انت ماشى فين لانك ماشى وسط نهر يعنى ممكن فجأه تلاقى نفسك بتغرق وخايف على نفسك وعلى امك كمان اللى معاك
مش تقلق قريبا ما تجد الفرج لكن واظب علي الطاعات ولا تياس من رحمه الله ولا تشكك فيها
وانتهي التفسير
_________________

ارجع تاني معلش ياقمر
حبيبتي انا خليتك للاخر لانك عارضه اكتر من حلم وهاحتاج استرسل معاكي بيهم علشان كده بدات بالردود العاديه
نرجع بقي لاحلامك من الاول

انا بقى جيت ايام على طول بقيت احلم بثعبان حوليه بس الحمد لله مش اذانى
ومرات تانيه بقيت اقوم اصرخ وافتح النور عشان كنت بشوف اسود ونمور حوليه بس الحمد لله بردو مفيش اى حاجه من دى اذيتنى
الثعبان عدو عدو عدو يجب عليكي ان تحذريه ولو مش كان مرتبط الحلم وقتها بشخص موجود فعلا يبقي خدي بالك هتقابليه ومش هتعرفيه انتي هتحسيه قبل ماياذيكي
اما النمور والاسود انتي بتخافي اوي من الاشخاص وبتخافي كتير من اللي ممكن يكون ماشي جنبك ولو بالشارع يعني من الاخر خوافه وبتخافي منهم حتي لو مش اذيوكي لانك حاطه ببالك ان كلهم زي بعض وممكن يؤذوكي

نرجع للحلم اللي بعده

وحلمت مرتين بحلم بشع جدااااااااا شكله لسه قدامى مش نسياه ... اننا قاعدين فى مدرج فى الكليه بس مدرج مفتوح يعنى فى الشارع كدا وكنا بالليل وبناخد المحاضره بس كنا اولاد وبنات مع ان قسمنا بنات بس وكل اللى حوليه ناس مش اعرفها مش زميلاتى خالص ... وفجاه فيه صاروخ وطلقات جيت علينا دمرت واحد ياعينى بشكل بشع بس قعدت اعيط كتير اوى بس كان حلم بشع جدااااااااااااا

حبيبتي نصيحه من اخت مش تنامي وانتي زعلانه
لان كل خوفك او زعلك انتي بتخرجيهم بهيئه حلم يعني عقلك الباطني بيترجمه في هيئه حلم
حاولي قبل ماتنامي تشيلي اي فكره وحشه ممكن تالمك او تبكيكي
الليل دا عادي والمدرج المفتوح دي حياتك العمليه
لكن اللي مش عادي هو الاولاد لان الاولاد دول كلام او مشاكل يعني
وفي حد غيرك هيصد واحد عنهك او بدلك يعني واحد غيرك ممكن قريب او غريب هيحل مشكله او يبعدها عنك

نرجع للي بعده

وحلمت حلم مرة اكشن شويه انى معايا بنت خالتى صغيره جدااا حوالى سنتين كدا وفيه ناس عايزة تخطفها منى وبقيت اجرى واخبيها منهم فى مكان كدا عامل زى مكان قطر او عربيات نقل كبيرة ( مكان مهجور) كدا والحمد لله محدش اذاها لان البوليس فى الاخر مسكهم

الحلم دا حلو البنت هي الدنيا بخيرها
وافي ناس هياحاولوا ياخدوها منك او يحسدوكي عليها لكن ربنا هو اللي هيحميكي
وهيبعت ليكي اللي يحافظ عليكي(البوليس دايما هما الاشخاص الصالحين والشيوخ)

نروح للي بعده

ان فيه عنكبوت كبير اوى وقع على ايدى وقرصنى كمان فانا ضربته بالرغم انى بخاف اضرب نموسه مش عارفه ضربته فى الحلم ازاى ومات ووقع على الارض

في حد قريب منعك هيحاول ياذيكي بس انتي ولو اول مره بحياتك هتتصدي ليه وتموتي شروره

اللي بعده

ان انا روحت مع اتنين من زميلاتى فى الكليه مدرسه كبيره اوى ماشاء الله وعامله زى القصر شيك جدا وليها طرق كتيرة تدخلى وتطلعى منها بس انا روحت المدرسه معاهم هما يعنى انا اول مرة اشوفها بس هما يظهر كانو تربيه عملى فيها او حاجه المهم بقيت اطلع وانزل مع الاطفال وفرحانه انى شايفاهم قدامى .... الاخر شافتنا مديرة المدرسه فقالتلى تعالى يلا روحى قوده المدرسين قولتلها لاء معلش عشان لسه هسافر فقالتلى بجد قولتلها والله بسافر المنصورة ودول بيسافرو اسكندريه(زميلاتى ) قامت شدانى من ايدى جامد لدرجه انها وجعتنى اوى طول الحلم المهم انا مشيت كلامى بردو وسيبتهم كلهم ومشيت وانا زعلانه ونزلت على السلالم وخرجت من المدرسه خالص... بس الغريب ان بواره المدرسه دى حوالى 50 سنتى فى 50 سنتى وهى عاملاها كدا عشان الاطفال ميخرجوش برة المدرسه بس انا بردو خرجت من البوابه دى وكنت مبسوطه انى خرجت بس زميلاتى مخرجوش منها وفضلت مستنياهم بره شويه

دا تفسيره بيختلف فعلا بس التفسير الارجح ليه ودا بناءا عن ان اللي كانوا معاكي زميلاتك في الكليه
انكواهتمروا بفتره تعب او مشاكل لان الاطفال طالما من الجنسين معا بيدلوا عن مشاكل وكلام
وانكوا سوا فيها والبنات دي هما اللي هيسببوها ليكي او هيوصلوكي ليها يعني بس بامر الله بتخرجي منها بسلام عن طريق شخص كبير قريب ليهم وغريب عنك وهما برده بيفضلوا فيها والبوابه تدل علي انها ممكن تكون مشاكل علميه او صبيانيه(يعني بيكون سببها شباب)
والله اعلم طبعا
وياقمر انا تحت امرك باي وقت انتي احلمي بس
هههههههههههه

_________________

ايه تا
مش حد دخل يسوف تفسيل حلمه
حتي انت ياميكو
وانت كمان يانايت
اهق اهق اهق
اخث عليكم
انا خمصاكم خالص مالص
اهق اهق
_________________

ٌقريته يا همث الحب بس بصراحه حاسس ان فى حاجه مش صح
ايه هى بأه انا اقولك
دلوقتى انا لو النهر ده خير زاى ما انتى بتقولى طيب هو انا لو مش بعرف اسبح كويس يبقى حغرق فى الخير؟؟؟؟
طيب ومين الاتنين اللى فى طريقى اللى قابلتهم ونصحونى انى ممشيش غير لو بعرف اعوم هل دول ناس حاقدين يعنى طيب لو هما كده حينصحونى ويقولوا متمشيش غير لو بتعرف تعوم؟؟؟
ياريت تفهمينى يمكن انا فهمتك غلط
_________________

لا تسخرى من قلب عشقك حتى الذل فأن هذا الذل ما هو الا قمه الكبرياء[/b]

[b]

بصي بقا يا همس انا هحكيلك حلمي(مش محمد حلمي خطيبي لا...اقصد حلمي اللي حلمته)
حلمت يا ستي ان انا ومحمد خطيبي ووالدته كنا بنشتري حاجات الجهاز(حاجات النيش)
واحنا خارجين من المحل محمد وقف يسلم عى حد صاحبه فمشيت انا وطنط وفجأة واحنا ماشيين لقينا كذا حصان فالشارع اللى كنا ماشيين فيه فجرينا بسرعة من الشارع دة وطنط كانت مسكانى اوى وخايفة عليا مع ان الكذا حصان دول كانو هاديين جدا وكان في منهم حصان كبير اوي بس بردو كان هادي ومحمد لما لقانا بنجري جه جري علينا وكان ملهوف عليا جدا وعايز يطمن عليا اكتر من والدته ..بس والدته كانت مبسوطة من لهفته عليا

يالا بقا فسري يا همس حبي ونفسي اعرف تفسير الحصنة دى ايه وخصوصا الحصان الكبير اوى دة
_________________
لا اله الا انت سبحانك اني كنت من الظالمين

بصى بقى ياهموسه انتى بنت كدا

بجد فيه حاجات كتير اوى من اللى فسرتيها من الحقيقه

وربنا يستر بقى !!! كل حاجه نسيبها على ربنا

شكرا ياهمس بجد

هروح احلم بقى وهاجى اقولك حلمت بايه

اولا العفو قمر
ثانيا نايت: الحلم دا مجرد افكار مش رؤيا لان لو رؤيا بتبقي فيه علامات ظاهره بس طبعا دي حاجات مش اقدر اقولها والا يبقي مش الي لزمه
اولا البحر دا خير ورزق وانت هتغرق فيه سواء سباح ماهر او حتي مش بتعرف تسبح
بس الافضل انك تكون شاطر عشان توصل اسرع يعني السباحه هنا تقصد بيها الاختصار بالوقت ودي حاجات انت بتحاول تعدلها بشخصيتك
اما الاشخاص دول مش حبايب انما ناس هتقابلهم هيقولوك في طريقين مش بيجبروك علي واحد منهم معين
دا حسب اللي فهمته من كلامك وبيختلف لو كانوا اجبروك علي واحد منهم
يعني الاشخاص هنا مش اعداء ليك
بس مش احباب واهل ليك
يارب تكون فهمت ولو محتاج تفسير اكتر قولي
_________________

اهلا بيكي ياسو
نورتي الموضوع
نرجع لتفسير الحلم

ربنا يكرمك انتي وخطيبك
في علاقه وئيقه بينك وبين خطيبك وبين والدته
وانتي ووالدته بتحاول توثقي علاقتكم ببعض اكتر

ودا بيبان انكوا انتوا لقيتوا الاحصنه والحصان بالحلم معناه الوفاء والصدق والاخلاص وكمان الحصان الكبير عنهم دا بيشير الي الخير الذي ينتظرك بحياتك
والخوف منه دا شويه اضطرابات بالاول بدنياكي الجديده لكن بتزول وبتهدا عن طريق قرب زوجك ليكي اللي هو خطيبك حاليا
وربنا بجد يكرمك ويعزك ويوفقكم
امين
_________________

شباب ياريت اللي يجي يكتب عن حلمه كمان
يكتب لي هو كان بيفكر بايه قبل ماينام وشعوره بعد ماصحي
وشكرا لكم
_________________

ميرسي يا قمر
ربنا يريحك قلبك زى ما ريحتى قلبي

_________________
لا اله الا انت سبحانك اني كنت من الظالمين

علي عيوني ياقمر
احلمي انتي بس
واللهم امين
ويريحك انتي كمان يالزواج من محمد علشان كده تطمني ع الاخر

_________________

ايه تا
الله
هو انا هافضل عاطله عن العمل كده كتير
اخث عليكم
يالا انا عاوزة احلام
عاوزة اشتغل يابشر
ولا هتيجوا تدينوا المصروف انتوا
ههههههه

_________________

ايه ياجماعه مش عاد في حد بيحلم ولا ايه
كده حالي وقف
قاعده عاطله عن العمل
يرضيكم
_________________

السلام عليكم

ازيك ياهموسه

انا جيت اهو عشان متبقيش قاعده فاضيه وكمان جبتلك زباين تانيه يلا ياستى ابسطى

واحده حلمت بان فى بيتها صراصير صغيرة بالرغم ان الحمد لله مش عندهم صراصير خالص -
وهى حلمت تانى بان راحت تجيب خبز بالرغم انها مش بتنزل من بيتها تشترى اى حاجه فالرجل بتاع الخبز اعطاها رغيف فقط وواحده صاحبه بنتها اعطاتها رغيف اخر - ماتفسير الخبز فى الحلم

انا بقى ياستى حلمت بردو حلمين
الحلم الاول انى حضنت طفل قريبى كتير عنده سنتين ونصف تقريبا وبوسته وكان فرحان اوى

الحلم الثانى كنا بالليل كنت انا وصديقتى راكبين فى السيارة مع اخى فى مكان ولكن لااعرفه كان المكان دا عالى اوى كان شارع عالى عن مناطق اخرىوالمناطق الاخرى كنت خايفه اقع فيها لان اخى يقود السيارة بجنون و لانها متدرجه الارتفاعات (كأن بها حفر) - وبعد ذلك أخى نزلنا على مزلقان (كجبل من التراب ولكن غير متعرج)وكنت خايفه جدا واما نزلت تحت لقيت نفسى مع أمى وصديقتى ولكن أخى والسيارة اختفو واصبحنا مشييين على ارجلنا ثم فيه شىء حدث فاضطرينا اننا نطلع على هذا الجبل مشى - وطلعت الجبل فى ثانيه مشى بالرغم من اننا نزلنا هذا الجبل بالسيارة فى مده كبيرة وذهبنا الى بيت ولكن لاأعرفه على الطبيعه اول مرة اراه وهو بيت بسيط جدا ووقفت فى البلكونه بالرغم من انى لن اقف في بلكونتنا خالص وببص جنبى عشان اكلم صديقتى لقيت امى بجانب صديقتى فقولتلها وانا بضحك ايه دا ياامى انتى جيتى ورانا مش كنتى هتبقى هناك

وشكـــــــــــــــــــــــــــــــــــــــــرا ياهمس ونلتقى بعد الفاصل بحلم اخر

اولا اهلا بيكي قمر/ملاك
نورتوني
اما بالنسبه لصاحبتك ياقمر فهيمر عليها شويه مشاكل صغيره وباذن الله هتقضي عليها
والخبز خير لكن بما انه محدود فمعناه انها هترزق بخير لكن مش زي ماكانت متوقعاه
وكله خير باذن الله
اما بالنسبه لاحلامك
فالحلم الاول: تفسيره شويه ضيق او كلام يزهلك هيجي عن طريق حد من اقاربك
اما الحلم الثاني:فتفسيره الا وهو انكوا هتوصلوا لمكانه او منزله او رقي عالي اوي بيكون سببه والدتك
اما بالنسبه لاخوكي ففي الطريق لكي تسير الحياه وتزدهر بتواجهوا شويه مشاكل بيكون سببها اخوكي
والله اعلم

اما بالنسبه ليكي ملاك
فتفسير حلمك هو: دا خير عظيم وهنا ورحمه من ربنا عز وجل
لانك مش اخدتي السبب اللي كان هيكون سبب مشاكل وكرب ليكي
وفكرتي انك تعملي خير وتزيحي هم شخص وهذا ما سيفعله الله لكي عند الضيق
وربنا معاكي

ومنتظره باقي احلامكم
_________________

شكرا جداااااا ياهمس جزاكى الله كل خير