منتدى الاصدقاء
انت غير مسجل
نرحب بك دائما عضوا معنا
برجاء التسجيل لتتمتع بامتيازات الاعضاء

منتدى الاصدقاء


 
الرئيسيةالبوابةس .و .جالتسجيلدخول

شاطر | 
 

 رقم موبايل الريس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
قطقوطة
عـــضـــو ذهــــبـــــى
عـــضـــو ذهــــبـــــى


عدد الرسائل : 2713
العمر : 29
البلد : مصر
العمل/الترفيه : ربنا يسهل
الهواية / الاهتمامات : فى الضياع
الشعبية بين الاعضاء : 1
النشاط : 7399
تاريخ التسجيل : 08/01/2008

مُساهمةموضوع: رقم موبايل الريس   الخميس 17 يناير 2008, 6:29 pm

((إتصل برقم الرئيس ..وإنت وأهلك تهيص .... ))
((إتصل بالرئيس ... يكون لك خير ونيس ....))

ولم تنس الدعاية المرأة في هذه الحملة فكان منها ما يقول :

(( إتصلي بالرئيس .... وبكره يجيلك العريس .... ))

وكان للأطفال أمل الغد أيضاً نصيب فكتبت لهم إعلانات تقول :

(( كلموا عمو الريس .... قبل ما يموت ويفيص ))

هذا خلاف الإعلانات التليفزيونية والكليبات المثيرة التي رصد لها ملايين الجنيهات حتي تخرج الحملة بصورة مشرفة ووطنية ....
وتم الإتـفاق أن يسمع المتصل أغنية بدل سماع الجرس عن طريق خدمات (( الكول تون )) قبل أن يرد عليه الرئيس أغنية :
آآآلو الريس فين ... الريس هنا ...هنا هو ... أقولوا مين بيكلموا ...

وذلك لأن هذه الأغنية سهلة وتوحي أن الرئيس قريب ومتواصل مع شعبه ...
وكان الخلاف حول المكالمة هل تكون مجانية أم لا ..وتم حسم الموضوع بأن تكون هناك رسوم لزيادة الدخل وتنمية الموارد ودفع عجلة الإنتاج وعمل ودعم مشاريع الصرف الصحي والمياة وعمل نهضة تنموية مستقبلية ...

جاءت ساعة الصفر .... وبدأت الخدمة ... وتلقي الرئيس عدة مكالمات :


المكالمة الأولي :

- ألو ....
- أيون ...
- إنت الريس ...
- أيون يا حبيبي ... إيه مشكلتك ....
- أنا ياريس دخلت قسم شرطة أعمل محضر قام الظباط والمخبرين ضربوني علي قفايا وجابوا ساعة رقمية وقعدوا يشوف من حيضربني أكتر علي قفايا في الدقيقة وما خلصوش إلا لما ظابط المباحث عمل رقم قياسي وضربني 80 قفا في الدقيقة لغاية ما قفايا ورم ونظري ضعف ... يرضيك كده ياريس وأنا ولا مجرم ولا حاجة أنا رايح أشتكي وأعمل محضر في الجيران ...
- بص يا مواطن ... إحنا كلنا في خدمة الوطن.. والشعب في خدمة الشرطة ..لما يكون ظابط بيحميك ويحمي أولادك إيده بردانة شوية وعايز يدفيها ويسخنها في قفاك ده يزعلك ... لازم تضحي شوية علشان الوطن ...!!
- شكراً ياريس ..ربنا يخليك لنا ويخليك للوطن ... ؟


المكالمة الثانية :

- ألو
- أيون
- الريس معايا شخصياً
- أيون ... قول يا مواطن ... إيه مشكلتك ...
- أنا ياريس وغيري ملايين ساكنين في المقابر وتحت الكباري وفي عشش في ال ...في ال
- أسكت ..إتكلم عن نفسك بس يا مواطن بلاش تعميم ... إنت عايز تعمل لي تنظيم علي التليفون؟ فاهم.. ولا أفهمك بطريقتي ...
- فاهم فاهم يا ريس ...
- كمل يا مواطن ...
- نفسي في شقة من إللي بتتوزع علي لاعيبة الكورة والعقود إللي بتتوزع وبنشوف تصاويرها في التلفيزيون...
- واضح يا مواطن إنك مش متعلم ومش فاهم حاجة ... تسكينك في المقابر إنت وغيرك ده له حكمة عظيمة ..
إنت عارف إن الدين بيأمرنا بزيارتها للموعظة والإعتبار من آن لأخر لكي نعرف أنها دنيا فانية ...
وإنت محظوظ كل يوم وكل ساعة بتتعظ ... ده إنت تحمد ربنا إننا لم نأخذ منك ضريبة إتعاظ .... !!
- طب ما تيجي ياريس تتعظ عندنا شوية ...
- إخرس ... يا ..(....)
دببببب ...
وتم غلق الخط ...


المكالمة الثالثة :

- ألو ....
- أيون
- الريس حبيبنا معانا ....
- أيون أيوه كده ....إيه مشكلتك يا حبيبي ...؟؟
- أنا ياريس شاب عندي 29 سنه ومتخرج بقالي 9 سنين ومش لاقي شغل ..ولسة بآخد مصروفي من والدي وقاعد علي القهوة طول اليوم ... نفسي أشتغل ياريس ...
- أنت غريب قوي يا مواطن ... مش تحمد ربنا إننا مريحينك ..عايز تروح للشقي برجليك ... وبعدين مالها قعدة القهوة ... إتعلم منها حاجة تفيدك ...ممكن تبقي بطل شطرنج زي كسباروف وساعتها تعرف إن جلوسك علي القهوة كان مصلحة ...
- ياريس عايز أكون نفسي ...
- ما تكونها يا حبيبي حد حايشك ...؟!!
- أكونها إزاي من غير شغل ..؟؟
- إيه يا مواطن أنا ماسك أعصابي ... إنت عايز البلد تكون ملايين من الناس.. إحنا فاضيلنك ولا إيه..؟؟ إحنا عندنا عيال بنكونها برضه .... خلي أبوك يكونك يا مواطن ...
دبببب ...وتم غلق الخط ....


المكالمة الرابعة ...

- ألو ..صباح الخير ياريسنا يا جميل ...
- ألوووووووووو...صباح الجمال ... أيوه يا شابة .. إيه مشكلتك وأنا أحلها لكي في فمتوثانية ...
- أنا يا ريس عانس ... وصلت لسن 35 ومش لاقية عريس ... نفسي أتجوز زي البنات كلها ويبقي عندي بيت وأسمع كلمة ماما ....
- هههههه ... إنت تحمدي ربنا ...جواز إيه وقرف إيه ...خلفة وطبيخ وواحد متخلف ينكد عليكي ومسئولية ... خليكي كده ....
- ياريس ... نفسي أحب وأتحب ....
- يا مواطنة ... حب الوطن كفاية عليكي ....
- يعني أتجوز الوطن وأجيب منه عيال ..!!!
- يوووه ... إنت مش عجبك كلامي طيب ...
دبببب .. وإنتهت المكالمة ....



وأخيراً ... حد عايز الرقم يطلب ويجرب ..... يتصل بيا أويكتب لي...وأنا مش هاديه الرقم طبعا ....

بشرط يقول حيقول للريس بتاعه إيه لو كلمه في التليفون ...!!! ؟؟؟
الرجوع الى أعلى الصفحة اذهب الى الأسفل
emy3
عضو جديد
عضو جديد


عدد الرسائل : 30
العمر : 33
البلد : مصر
العمل/الترفيه : لا يوجد
الهواية / الاهتمامات : مجنونه
الشعبية بين الاعضاء : 0
النشاط : 6600
تاريخ التسجيل : 29/11/2007

مُساهمةموضوع: رد: رقم موبايل الريس   الخميس 17 يناير 2008, 9:59 pm

بصراحه انا مش عايزاه خاليه للريس ممكن يتصل بنفسه
اصل انا الحمد لله مش بشتكى من حاجه خالص
ولا انا مش لقيه شغل ولا اى حاجه خالص
ولا اى حاجه خالص.
بس جميل جميل ياقطه وانت بتتكلمى عن حقيقه بجد
الرجوع الى أعلى الصفحة اذهب الى الأسفل
yasmen
.......... امــــــيـــــــرات المـــنـــــتـــــدى ..........
..........         امــــــيـــــــرات   المـــنـــــتـــــدى         ..........


عدد الرسائل : 1052
العمر : 30
البلد : مصر
العمل/الترفيه : محامية بالاسم /الكمبيوتر
الهواية / الاهتمامات : الغزالة رايقة
الشعبية بين الاعضاء : 1
النشاط : 6669
تاريخ التسجيل : 31/10/2007

مُساهمةموضوع: رد: رقم موبايل الريس   الخميس 17 يناير 2008, 10:14 pm

بلاش نتصل يا قطتى بدل ما يتقفل الخط فوشنا
خلينا عايشين بكرامتنا وبلاها عرسان وشغل
حد قال اننا محتاجن شغل او الشباب محتاج يتجوز؟؟...اطلاقا
ولا ايه يا شباب؟
الرجوع الى أعلى الصفحة اذهب الى الأسفل
جواد الفجر
صديق فعال
صديق  فعال


عدد الرسائل : 209
العمر : 32
البلد : الأسكندرية
العمل/الترفيه : الإبحار عبر الإنترنت
الهواية / الاهتمامات : معتدل صيفا ممطر شتاءا
الشعبية بين الاعضاء : 0
النشاط : 6570
تاريخ التسجيل : 14/12/2007

مُساهمةموضوع: رد: رقم موبايل الريس   الخميس 17 يناير 2008, 11:35 pm

اعتقد يا قطقوطه أنتى تقصدى الريس متقال

مش كده و لا إيه يا جماعة
الرجوع الى أعلى الصفحة اذهب الى الأسفل
NoN_sToP
Admin
Admin


عدد الرسائل : 2337
العمر : 31
البلد : ام الدنيااااااا
العمل/الترفيه : لما نشوف
الهواية / الاهتمامات : مساء الخييييييير
مزاجى :
الشعبية بين الاعضاء : 15
النشاط : 6982
تاريخ التسجيل : 30/09/2007

مُساهمةموضوع: رد: رقم موبايل الريس   الجمعة 18 يناير 2008, 12:16 am

هو فى ريس غيرة
متقال طبعا

اشفكككم كلكم على خييييييييييير
هتوحشوووووووووونا
باى باى

_________________

“Only as high as I reach can I grow,
only as far as I seek can I go,
only as deep as I look can I see,
only as much as I dream can I be


الرجوع الى أعلى الصفحة اذهب الى الأسفل
http://friends.nice-topics.com
the_knight
Admin
Admin


عدد الرسائل : 2171
العمر : 31
البلد : الامه العربيه
العمل/الترفيه : موظف
الهواية / الاهتمامات : لعب الشطرنج والغناء
مزاجى :
الشعبية بين الاعضاء : 1
النشاط : 6873
تاريخ التسجيل : 06/10/2007

مُساهمةموضوع: رد: رقم موبايل الريس   الجمعة 18 يناير 2008, 1:23 am

الو ايوه ياريس يا حبيب الملايين
ايوه ازيك يا مواطن
حضرتك انا مش اى مواطن ده انا النايت يا ريس
اهلا يا نايت يابنى طلباتك ايه؟
ياريس انا مليش اى طلب انا بس حبيت اشكر سيادتك على الدعم وعلى انخفاض الاسعار وعلى عدم وجود مشكله بطاله و على الامن والعدل اللى فى البلد ياريس
سيادتك ياريس وفرت لمصر كل ما تتمناه وكل مالا يتمناه احد
شكرا يابنى شكرا انتى شكلك راجل محترم قولى يابنى اى طلب ليك وانا انفذه حالا
بجد ياريس اى طلب اى طلب؟؟
اكيد يابنى اطلب بس
حضرتك ياريس ياريت لو تمد فتره الحكم بتاعتك
كان نفسى يابنى بس انت فاهم انا ديمقراطى ولازم اكتفى من الحكم واعمل انتخابات نزيهه وانجح ابنى طبعا
طيب ياريس ازاى نزيهه وابنك ينجح
ايه يابنى تقصد ايه اننا حنزور ولا ايه؟
بصراحه ياريس انتم اكيد ...................
دببببببببببببببببب
كالمعتاد انتهت المكالمه وربنا يستر علينا
اوعى ياريس تزعل احنا بنتكلم على الريس متقال من الصبح

_________________
اما انا فقلبى ليس كباقى القلوب
قلبى قلب تائه فى طرقات الحب وفى الدروب
قلبى قلب مشرد ليس له وطن ولا بيت كالبيوت
انما بيته بيت ضعيف كبيت العنكبوت
لا يحمى من هوا ولا يسكنه الا السكوت
سائد الصمت فيه فلا تدرى هل الزمان به وقف ام انه مازال يفوت
فما لقلبى فى هذه الوحده من مؤنس الا نبضاته و صدى الصوت


لا تسخرى من قلب عشقك حتى الذل فأن هذا الذل ما هو الا قمه الكبرياء[/b]
[/center][b][b]
الرجوع الى أعلى الصفحة اذهب الى الأسفل
http://www.friends.nice-topics.com
قاموس الحب
عـــضــو فـــــضـــــى
عـــضــو فـــــضـــــى


عدد الرسائل : 612
العمر : 32
البلد : egypt
العمل/الترفيه : مهندس قوى ميكانيكيه
الهواية / الاهتمامات : 100 100
الشعبية بين الاعضاء : 3
النشاط : 6612
تاريخ التسجيل : 23/11/2007

مُساهمةموضوع: رد: رقم موبايل الريس   الجمعة 18 يناير 2008, 6:15 am

انتم مين ......انا ايه الي جابني هناا اكيد دخلت غلط..مع السلامه
الرجوع الى أعلى الصفحة اذهب الى الأسفل
hana
.......... امــــــيـــــــرات المـــنـــــتـــــدى ..........
..........         امــــــيـــــــرات   المـــنـــــتـــــدى         ..........


عدد الرسائل : 328
العمر : 30
البلد : alex
العمل/الترفيه : INTERNET
الهواية / الاهتمامات : أخر روشنه
الشعبية بين الاعضاء : 0
النشاط : 6604
تاريخ التسجيل : 27/11/2007

مُساهمةموضوع: رد: رقم موبايل الريس   الجمعة 18 يناير 2008, 9:54 am

الريس هريدى سمع كلامك يا قطقوطه وصدق ان فيه ديمقراطيه

قال اوفر التليفون واروح له احسن ههههههههههههههههههه
وربنا كان طيب وابن حلال
الرجوع الى أعلى الصفحة اذهب الى الأسفل
 
رقم موبايل الريس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء :: ...... يـــــلا نــتــــســــــلـــــــى ...... :: ()()()() اضحك بصوت عالى ()()()()-
انتقل الى: