منتدى الاصدقاء
انت غير مسجل
نرحب بك دائما عضوا معنا
برجاء التسجيل لتتمتع بامتيازات الاعضاء

منتدى الاصدقاء


 
الرئيسيةالبوابةس .و .جالتسجيلدخول

شاطر | 
 

 خميس ومراته لميس في الاوتوبيس!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
قاموس الحب
عـــضــو فـــــضـــــى
عـــضــو فـــــضـــــى


عدد الرسائل : 612
العمر : 32
البلد : egypt
العمل/الترفيه : مهندس قوى ميكانيكيه
الهواية / الاهتمامات : 100 100
الشعبية بين الاعضاء : 3
النشاط : 6602
تاريخ التسجيل : 23/11/2007

مُساهمةموضوع: خميس ومراته لميس في الاوتوبيس!   السبت 09 فبراير 2008, 2:14 am

[size=25]
خميس ومراته لميس في الاتوبيس


خميس خنقان من مراته والمشاكل الزوجيه باستمرار فقرروا يخرجوا عن الجو المشاكل ده بسفر لخارج مصر فقرورا يروحوا طنطــا ههههه

ركبوا اتوبيس الرحله ومن هنا نبدء الموضوع


لميس:خميس الساعه كام؟

خميس:تفرق معاكي في ايه..عموما الساعه 9 يا سيتي

لميس:طيب كويس اصلي مستنيه تليفون الساعه 2 الظهر ..

خميس:ماشي
!

لميس:انت ساكت ليه


خميس:مش مغدياني سد الحنك امبارح ...عايزاني اقولك ايه يعني


لميس:قولي زي اي اتنين بيكلموا بعض

خميس:بعد الجواز ولا قبل الجواز

لميس:طيب وتفرق فيه ايه.؟

خميس:لا تفرق كتير يا روحي قبل الجواز الراجل بيكون اعمي مش شايف مراته بصوره الحقيقيه
بعد الجواز بيتصدم بالواقع ...قدر ومكتوب حنعمل ايه ...نصيبنا كلنا كده نعمل ايه.

اخبار اهرام جمهوريه ...اخبار اهرام جمهوريه


خميس :بتقولي حاجه ؟

لميس :لا مش انا ده بتاع الجرايد ......طيب متجبلنا جرانان نقرأه بقي

خميس:طيب حضري الفلوس ....يا بتاع الجرايد عندك ايه؟

بائع الجرائد:كله موجود انشاءالله

خميس:طيب هاتلنا الحوادث

لميس:حوادث!!

خميس:الحوادث في الاول يا روحي وبعد كده الوفيات قصدي الاهرام والاخبار ..كله جاي بعد كد انشاءالله


اتفضلي يا روحي اقرأي

لميس:شوفت يا حبيبي الست اللي قتلت جوزها علشان بيخونها

خميس:ازاي؟

لميس:ازاي قتلته؟

خميس:لا ازاي عرفت...

لميس:لا دي قصه كبيره


خميس:طيب بعد لما تقري الخبر ابقي ادهولي علشان اعرف الطريقه قصدي التفاصيل

خميس:لما كلم ابو محمود علشان المشروع الجديد مش عايز صوت

يا جمااااااعه يا الناس في الاتوبيس مش عايزه كلام من فضلكم 5 دقائق ...سكووووووووت


خميس:اكشن قصدي الوووو...........الووو ابو محمود موجود ؟

لا مش موجود...مين معايا ؟

خميس:انا محمود ..ايه خميس... قوله خميس لما يجي
ايه النحس ده!!

لميس:مش موجود

خميس:اكيد يا روحي بوجودكـ

لميس:بقي دي عامله تعملها فيه يا حبيبي الراجل بتاع المكوي يخبط علي الباب
اقولك تجبني الاشارب بتاعي تجبلي اللي انت جيبته ده


خميس:مالها ملايه السرير وجات بغصب عني ...وبصراحه انا خفت علي المكوجي قولت مفيش داعي يتصدم يشوفك ويوقع المكوي بتاعتنا وتبوظ ...

لميس:كده ...طيب ماشي


لميس:حانقعد ساكتين كده انا زهقانه عايزه اتسلي


خميس:لما يجي بتاع الفول السوداني

لميس:سوداني !! علي اساس قاعدين في جبلايه..انا عايزك تكلمني واكلمك ونكلم بعض


خميس:ايه شغل فودفون ده!!طيب طيب

خميس: قوليلي يا حبيبتي حناكل النهارده ايه..

لميس:لا مش عامله حسابي النهارده حناكل بكره انشاءاله


خميس:كمان!!!! طيب حتعملي ايه بكره يا حبيبتي

لميس:زي اللي حنعمله النهارده يا حبيبي..

خميس:يعني مش حناكل ولا نهارده ولا بكره..طيب قوليلي


لميس:اقولك ايه....كفايه اسئله بقي

خميس:مش انتي قولتليلي اكلم معاكي طيب طالما مش عايزه اسألك

مش عايزه اسألك؟؟

لميس:ايوه

خميس:خلاص يا روحي اساليني انتي

لميس:ولا تسألك ولا تسألني ....بقولك عايزه اتكلم واتسلي مش اسئله ..بقولك زهقااااااااااانه

خميس:طيب انت معاكي الصوره بتاعتك اللي
انت صورتيها امبارح ساعه لما المصوراتي صورك راح نور اتقطع

عندك الصوره دي!

لميس:اه عجباك...حلال عليك


خميس:شكرا (واقطع الصوره ههههههه)

لميس:ايه اللي انت عملته ده
!!

خميس:يلا حبيبتي تعرفي تلعبي Puzzle .... يلا اتسلي بيها شويه يا روحي


لميس:ايه ده...فرجت عليان الناس بعمايلك دي

خميس:طيب مش حاجه جديده يعني

خميس بيتكلم مع الراجل اللي قدامه بصوت منخفض
ممكن اقعد جنبك لو سمحت


الراجل:نعم؟ يا استاذ انا قاعد جنب المدام

خميس:طيب وفيها ايه ما انا قاعد جنب المدام...طيب تبدل الكراسي اقعد مكانك وانت تقعد مكاني وكده يعني وبعدين الشباك بتاعي يبص علي الشارع

الراجل:يا سلام ......طيب بعد لما اقعد مكانك والمدام بتاعتي؟

خميس لا مفيش داعي تتعبهم خليهم قادعين

الراجل :انت بتقول ايه يا عم...

خميس:شوفتي يا روحي الناس مش قابلاكي خالص


تليفون خميس بيرن

لميس:مش حترد علي التليفون

خميس: اه..لأ .... ايه ....طيب طيب حرد

لميس:هو ايه ده اصله!!

خميس:ايوا


ايه يا حبيبي مش فاكرنيي وحشتني جدااا

خميس:لا حول ولا قوه الا بالله ..امتي الكلام ده

الو الو الو

خميس قفل السكه

لميس:ايه يا حببيبي..قلقتني فيه ايه

خميس تليفونه بيرن تاني بنفس الرقم

خميس:الو ايوا
ايوا ايه يا حبيبي...ايه اللي انت بتقوله ده بقولك وحشتني جدااااااااااااا كل دي فتره متتصل فيها بجد زعلانه منك

خميس :طيب بعدين علشان المدام حابقي اكلمك بليل

بليل!!انا سعاد يابني

خميس:سعاد اختي اه اه اسف جدا اصل صوتك متغير والله ..شبه صوت واحد صاحبي ما علينا

معلشي ازيك

سعاد:بخير ..واخبار الفلوس معاك ايه انا سامعه انك واقع

خميس:علي الاخر والله


سعاد:طيب ومعاك ايه
خميس:معايا نوكيا 6110 مش الوان ولا كاميرا ولا نغمات ولا اي حاجه ومش بيستقبل ولا بيتكلم كمان

سعاد:ايه ده
!

خميس:اصل موبايل اهبل اساسا


سعاد :بس انا مقصدش...اقصد معاك كام

خميس:فلوس اه...اه اه ...لا الحمدلله معايا 10 ج مع السلامه يبقي لحسن انا شايف بتاع التذاكر جايلي ..جه علي السيره

راجل اللي بيجمع التذاكر:التذاكر يا باشا

خميس:اوكـ طلعي التذاكر يا لميس

خميس: علي فكره خدمه الاتوبيس هنا مش عجباني

راجل التذاكر: لا معلشي اصل ده مش 5 نجوم ..التذاكر لو سمحت

خميس:طيب ايه الاستعجال ده ..انا ممكن اشتكي ضدك علي فكره..انت مش عارف انا مين ولا ايه

راجل تذاكر:لا والله ..مين بقي

خميس:بعدين اقولك..فين يا لميس التذاكر

لميس:اه اه افتكرت اصل عجبتني اللعبه اللي انت عملتهالي

خميس:لعبه ايه

لميس:بتاعت تقطيع الصوره وبعد كده اكونها

خميس:حبيبتي يا رايقه

لميس:فانا لقيت نفسي ورقه معايا قولت اقطعهم والعب بيهم Puzzle عقبال لما نوصل ..اهي حاجه اتسلي بيها والسلام

خميس:سلاااااااااااااااااااااااام

راجل التذاكر:يعني فين التذاكر؟


خميس:هاتي يا لميس التذاكر اتفضل يا باشا... كونهم انت يا باشا

خميس:اه صحيح لميس بقولك

لميس:نعم يا حبيبي؟

خميس:انتي طالق يا روحي

هههههههههههههههههههههههههه
[/size]
الرجوع الى أعلى الصفحة اذهب الى الأسفل
قطقوطة
عـــضـــو ذهــــبـــــى
عـــضـــو ذهــــبـــــى


عدد الرسائل : 2713
العمر : 29
البلد : مصر
العمل/الترفيه : ربنا يسهل
الهواية / الاهتمامات : فى الضياع
الشعبية بين الاعضاء : 1
النشاط : 7389
تاريخ التسجيل : 08/01/2008

مُساهمةموضوع: رد: خميس ومراته لميس في الاوتوبيس!   السبت 09 فبراير 2008, 12:33 pm

هههههههههههههههههه
بقى دى اخرتها يا خميس
الرجوع الى أعلى الصفحة اذهب الى الأسفل
highsoul
عـــضـــو مــتــــالـــق
عـــضـــو مــتــــالـــق


عدد الرسائل : 465
العمر : 30
البلد : -- egypt --
العمل/الترفيه : trader
الهواية / الاهتمامات : nos nos
الشعبية بين الاعضاء : 0
النشاط : 6488
تاريخ التسجيل : 19/01/2008

مُساهمةموضوع: رد: خميس ومراته لميس في الاوتوبيس!   السبت 09 فبراير 2008, 1:53 pm

نهاية حزينة جدا
الرجوع الى أعلى الصفحة اذهب الى الأسفل
يووبى
عـــضــو فـــــضـــــى
عـــضــو فـــــضـــــى


عدد الرسائل : 831
العمر : 26
البلد : ALEX
العمل/الترفيه : مهندس معمارى تحت الإنشاء
الهواية / الاهتمامات : NO MORE SORROW
الشعبية بين الاعضاء : 0
النشاط : 6501
تاريخ التسجيل : 23/01/2008

مُساهمةموضوع: رد: خميس ومراته لميس في الاوتوبيس!   السبت 09 فبراير 2008, 2:54 pm

ايه المواضيع الجامده دى
دا قمه الرومانسيه
الرجوع الى أعلى الصفحة اذهب الى الأسفل
همس الحب
عـــضـــو ذهــــبـــــى
عـــضـــو ذهــــبـــــى


عدد الرسائل : 2342
العمر : 29
البلد : المنصورة العظمي
العمل/الترفيه : بكالوريوس تجارة
الهواية / الاهتمامات : اي حاجه ممكن تيجي ع بالي باي وقت
مزاجى :
الشعبية بين الاعضاء : 0
النشاط : 6956
تاريخ التسجيل : 06/01/2008

مُساهمةموضوع: رد: خميس ومراته لميس في الاوتوبيس!   السبت 09 فبراير 2008, 6:00 pm

هههههههههههههههههههههههههههه
حسبي الله ونعم الوكيل هما الاتنين
بتفكرني بيفيلم انت جيت يامحموووووووود
محمود ياحبيبي
هههههههههههههههههههههه
بتاع كذبه ابريل
ماعلينا موضوع حلو جدا جدا جدا

_________________



MY BABY YOU'RE THE REASON I COULD FLY
AND CAUSE OF YOU IDON'T HAVE TO WONDER WHY BABY YOU THER'S NO MORE JUST GETTING BY
YOU'RE THE REASON I FEEL SO ALIVE
الرجوع الى أعلى الصفحة اذهب الى الأسفل
قاموس الحب
عـــضــو فـــــضـــــى
عـــضــو فـــــضـــــى


عدد الرسائل : 612
العمر : 32
البلد : egypt
العمل/الترفيه : مهندس قوى ميكانيكيه
الهواية / الاهتمامات : 100 100
الشعبية بين الاعضاء : 3
النشاط : 6602
تاريخ التسجيل : 23/11/2007

مُساهمةموضوع: رد: خميس ومراته لميس في الاوتوبيس!   الأحد 10 فبراير 2008, 2:12 am

شكرا على الردود المهم محدش يعمل زيهم
الرجوع الى أعلى الصفحة اذهب الى الأسفل
more4194
صديق فعال
صديق  فعال


عدد الرسائل : 148
العمر : 24
البلد : الاسكندرية
العمل/الترفيه : طالبة
الهواية / الاهتمامات : سماع للاغانى
الشعبية بين الاعضاء : 0
النشاط : 6470
تاريخ التسجيل : 28/01/2008

مُساهمةموضوع: رد: خميس ومراته لميس في الاوتوبيس!   الإثنين 11 فبراير 2008, 7:56 pm

هههههههههههههههههههههه هو كان لازم يطلقها لان هى مملة وهو ممل اكتر بس الموضوع جامد ميرسى
الرجوع الى أعلى الصفحة اذهب الى الأسفل
H<>H
عضو جديد
عضو جديد


عدد الرسائل : 58
العمر : 31
البلد : مصر ام الدنيااااااااا
العمل/الترفيه : النت
الهواية / الاهتمامات : اغنىىىىى
مزاجى :
الشعبية بين الاعضاء : 0
النشاط : 6436
تاريخ التسجيل : 14/02/2008

مُساهمةموضوع: رد: خميس ومراته لميس في الاوتوبيس!   الثلاثاء 19 فبراير 2008, 10:01 am

هههههههههههههههههههههههههههههههههه
الرجوع الى أعلى الصفحة اذهب الى الأسفل
sabrina
.......... امــــــيـــــــرات المـــنـــــتـــــدى ..........
..........         امــــــيـــــــرات   المـــنـــــتـــــدى         ..........


عدد الرسائل : 943
العمر : 35
البلد : دى مصر ياعبلة
العمل/الترفيه : عمل ولا ترفية ..؟
الهواية / الاهتمامات : اللى تشوفوة
مزاجى :
الشعبية بين الاعضاء : 0
النشاط : 6596
تاريخ التسجيل : 27/11/2007

مُساهمةموضوع: رد: خميس ومراته لميس في الاوتوبيس!   الإثنين 25 فبراير 2008, 5:09 pm

اييييييييييية الرومانسية دى كلها !!!!

بس دة نهاية طبيعية لبطىء جوز بطيئة
كان ناوى يغربها ويطلقها فى الغربة ماكااااااان طلقها فى بلدهم بدل المشوار اللى تعبنا فية دةةةةةةةةةة
تيجى منك انت يا قامووووووس
الرجوع الى أعلى الصفحة اذهب الى الأسفل
 
خميس ومراته لميس في الاوتوبيس!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء :: ...... يـــــلا نــتــــســــــلـــــــى ...... :: ()()()() اضحك بصوت عالى ()()()()-
انتقل الى: