منتدى الاصدقاء
انت غير مسجل
نرحب بك دائما عضوا معنا
برجاء التسجيل لتتمتع بامتيازات الاعضاء

منتدى الاصدقاء


 
الرئيسيةالبوابةس .و .جالتسجيلدخول

شاطر | 
 

 سي السيد ومراته امينه عام 2008

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
قاموس الحب
عـــضــو فـــــضـــــى
عـــضــو فـــــضـــــى


عدد الرسائل : 612
العمر : 32
البلد : egypt
العمل/الترفيه : مهندس قوى ميكانيكيه
الهواية / الاهتمامات : 100 100
الشعبية بين الاعضاء : 3
النشاط : 6612
تاريخ التسجيل : 23/11/2007

مُساهمةموضوع: سي السيد ومراته امينه عام 2008   الخميس 20 مارس 2008, 4:47 am

وهنتخيل كده مع بعض سي السيد دلوقتي!!!!
اسيبكم مع الحوار الجامد

99,9% من شعب مصر شاف ثلاثية نجيب محفوظ الشهيرة ويحفظ عن ظهر قلب شخصية سى السيد الذى بيضرب زوجته بالشوز ويروح ينضرب هو بره بنفس الشوز ولكن هل تخيل حد فيكم الوضع اذا كان سى السيد راجل حنون,, رقيق،، شهم مع زوجته واولاده..


انا تخيلت:


سى السيد:

مساء الخير يا امينة من فضلك تحضريلى الاكل عشان جاى تعبان من الشغل .

امينة:

اولا:اسمى ست امينة , مش امينة كده حاف.
ثانيا:مفيش اكل لانى اتغديت فى النادى انا والعيال وانا لما بكون شبعانه مابعرفش اطبخ
ثالثا:ياروح الروح كنت تخلى اللى انت جاى من عندها وش الفجر تعملك السم ولا انت فاكرنى خدامة يورفازر..اوفففففف

سى السيد:

خلاص يا ست امينة انا اسف اخر مرة اطلب اكل.
تب ممكن تندهيلى العيال اسلم عليهم عشان وحشونى.

امينة:

عيالى ياحبيبى مابيسلموش على حد ومش فاضيين دلوقتى.البنات بتبص من الشبابيك على اللى رايح واللى جاى ,والولاد قاعدين على القهوة بيعاكسوا البنات الى رايحة واللى جاية.طلبات تانيه ياسوسو..

سى السيد(والدمعة هتفر من عينه) :

لا يا قويه يا مفتريه اهئ اهئ والله لابعتك عند ماما .هه بس

امينة:

يامامى انا خايفة اوى,اغمن عليا ,اغمن عليا خش نام ياللا وبلاش كلام فاضى ,
انا اروح لماما وقت مايعجبنى
واللى مش عاجبه عنده القلة يشربها ويبلع بالزير...فاااهم



فى اليوم التالى:

سى السيد ينتظر فى الشباك امينة لما ترجع من مسرحيه(كشكش بيه)
ويسمع صوتها اتيا من بعيد فيهرول حاملا لمبة الجاز لكى يضئ لها الطريق.

امينة:

ايه اللى مسهرك يا سوسو انا مش قلتلك تنام انت عشان انا هتاخر.

سى السيد:

معلش يا ست امينة انا قلت برضه يمكن تحتاجى حاجة كده ولا كده

امينة:

تيب .. تيب مش عايزة ابوظ الليلة بئى متوجعش دماغى ياسوسو
وانا الصبح حكيلك المسرحيه كلها..اوكـــ


سى السيد:

ربنا يخليكى ويحميكى ومايحرمنيش من دخلتك عليا
الساعة واحدة بعد نص الليل يامراتى يا حبيبتى يا جميله.

امينة تضحك ثم تدخل لتنام وتصفق الباب فى وجهه


فى اليوم اللى بعد التالى:


امينة فى فترة المساء والسهرة مخاطبة سى السيد:


اعمل حسابك ياسى سى,ان فى عريس جاى لعائشه بكره

سى السيد:

مين ياترى..لو كان يعنى من حقى اسال

امينة:

الواد الظابط ده اللى كانت بتعاكسه من الشباك مش فاكره يا سى

سى السيد:

الواحد حيفتكر ايه ولا ايه يا ست امينة على العموم لو انت شايفاه كويس خلاص الشورة شورتك.

امينة:

خلاص نتكل على الله ونخلى الفرح فى نفس يوم فرح خديجة

سى السيد:

ايه ده!هى خديجة بنتى هتتجوز مبروك الف مبروك

امينه:عقبال ولادك يا ساسو


يوم الفرح:


امينة تستقبل الراقصات وترحب بهن وياتى سى السيد ليمارس هوايته المحببه, ان يحاول ان يكون رجلا:

-ايه ده ازاى مش ممكن راقصات فى بيتى.

امينة تتجاهله تماما وتقود الراقصات الى غرف تبديل الملابس ثم تعود متجهمة الى سى السيد قائلة:


اعمل حسابك انك بعد الفرح حتروح لمامتك لغايه ما ابعتلك العيال ياخدوك..مفهووووم
علشان تبئى تقول بيتى دى تانى..رجاله اخر زمن..


وبعد الفرح تم ترحيل سى السيد الى منزل والدته ومازال ينتظر ان تبعث له امينه بالاولاد كى يعيدوه الى بيته..


اه لا مؤاخذه ...بيتها
الرجوع الى أعلى الصفحة اذهب الى الأسفل
desperado
.......فــــــــــــــــــرســـان الـــــــمــــنـــــتـــــدى ........
.......فــــــــــــــــــرســـان  الـــــــمــــنـــــتـــــدى ........


عدد الرسائل : 2326
العمر : 31
البلد : بلد اللي يروح مايرجعش
العمل/الترفيه : بلاش احراج وخلي الطابق مستور
الهواية / الاهتمامات : الحالة زفت والحمد لله
مزاجى :
الشعبية بين الاعضاء : 2
النشاط : 6879
تاريخ التسجيل : 30/09/2007

مُساهمةموضوع: رد: سي السيد ومراته امينه عام 2008   الخميس 20 مارس 2008, 8:25 am

ده مبقاش سي السيد
ده بقه سي سوسو
الموضوع حلو وتسلم ايدك
بس مش ناقصة ده انته كده عتخلي البنات يفكروا انهم سي امينة اللي حاكمة
وشاكمة البيت
من كام يوم mmr .h منزلي موضوع يقولي البيت مقصوفة الرقبة هي وامها جايين يختبوه من مامته وقال ايه بابا بيغسل المواعين
هو فيه ايه ياساتر ياساتر

_________________




who love never hate , who hate never forgives, who forgives , never forgets, who forgets never love form the begining


الرجوع الى أعلى الصفحة اذهب الى الأسفل
http://www.google.com
populery
عـــضــو فـــــضـــــى
عـــضــو فـــــضـــــى


عدد الرسائل : 661
العمر : 23
البلد : The Most Beloved Town
العمل/الترفيه : What Do You Think
الهواية / الاهتمامات : As You Like
مزاجى :
الشعبية بين الاعضاء : 1
النشاط : 6719
تاريخ التسجيل : 07/12/2007

مُساهمةموضوع: رد: سي السيد ومراته امينه عام 2008   الخميس 20 مارس 2008, 3:03 pm

ستات اخر زمن
الرجوع الى أعلى الصفحة اذهب الى الأسفل
Noja
عـــضــو فـــــضـــــى
عـــضــو فـــــضـــــى


عدد الرسائل : 585
العمر : 31
البلد : egypt
العمل/الترفيه : secretary
الهواية / الاهتمامات : ميه فل وعشره
الشعبية بين الاعضاء : 1
النشاط : 6573
تاريخ التسجيل : 26/12/2007

مُساهمةموضوع: رد: سي السيد ومراته امينه عام 2008   الخميس 20 مارس 2008, 8:56 pm

يا ديسبوا ده الواقع

انت الوحيد اللى معندوش خليفة

بخمسة صاغ

روح هات جرنال ما تزوقينى يا ماما

و بص فى صفحة مليون و 300 الف
و انت هتعرف

بس بجد يا قاموس

موضوع جامد
الرجوع الى أعلى الصفحة اذهب الى الأسفل
قطقوطة
عـــضـــو ذهــــبـــــى
عـــضـــو ذهــــبـــــى


عدد الرسائل : 2713
العمر : 29
البلد : مصر
العمل/الترفيه : ربنا يسهل
الهواية / الاهتمامات : فى الضياع
الشعبية بين الاعضاء : 1
النشاط : 7399
تاريخ التسجيل : 08/01/2008

مُساهمةموضوع: رد: سي السيد ومراته امينه عام 2008   الخميس 20 مارس 2008, 9:16 pm

ههههههههههههههههههههه
ولسه
ده انتم ايامكم بلاك
شكرا قاموس على الموضوع الجامد ده
يا رب كل اللى ف بالى يبقوا امينه
الرجوع الى أعلى الصفحة اذهب الى الأسفل
قاموس الحب
عـــضــو فـــــضـــــى
عـــضــو فـــــضـــــى


عدد الرسائل : 612
العمر : 32
البلد : egypt
العمل/الترفيه : مهندس قوى ميكانيكيه
الهواية / الاهتمامات : 100 100
الشعبية بين الاعضاء : 3
النشاط : 6612
تاريخ التسجيل : 23/11/2007

مُساهمةموضوع: رد: سي السيد ومراته امينه عام 2008   الجمعة 21 مارس 2008, 3:36 am

المفروض نطالب بحق الرجل..يعني عاوزين مساواه :(
الرجوع الى أعلى الصفحة اذهب الى الأسفل
desperado
.......فــــــــــــــــــرســـان الـــــــمــــنـــــتـــــدى ........
.......فــــــــــــــــــرســـان  الـــــــمــــنـــــتـــــدى ........


عدد الرسائل : 2326
العمر : 31
البلد : بلد اللي يروح مايرجعش
العمل/الترفيه : بلاش احراج وخلي الطابق مستور
الهواية / الاهتمامات : الحالة زفت والحمد لله
مزاجى :
الشعبية بين الاعضاء : 2
النشاط : 6879
تاريخ التسجيل : 30/09/2007

مُساهمةموضوع: رد: سي السيد ومراته امينه عام 2008   الجمعة 21 مارس 2008, 11:14 am

اه والله ده الواقع المهبب اللي احن عايشينه
انا امبارح بقلب في القنوات الاقي فيلم فاتن حمامة وكمال الشناوي الاستاذة فاطمة وللاسف
علي الجزء اللي بتقله لابد من المساواة بين الراجل والست احنا دلوقتي الزمن مختلف احنا مش في التلاتينيات ايام البيشه واليشمك
عارفين قالها ايه : الحمد لله اننا لسه مااتجوزناش
ودلوقتي القناة الفضائية عاملة برنامج اسمه حزب الرجالة والمذيع بيقول:
ان البرنامج مخصص لحقوق الرجل المهضومة شفتم خيبة اكتر من كده
لنا الله نحن معشر الرجال وربنا علي الظالم والمفتري
وانا ياست جيجي مابقراش ماتزوقيني ياماما لاني بشتري الملحق بتاع الخميس قوام ياماما
وانتي ياست قطقط تقصدي مين باللي في بالك
والف شكر علي الموضوع كمان مرة ياقاموس
ياساتر

_________________




who love never hate , who hate never forgives, who forgives , never forgets, who forgets never love form the begining


الرجوع الى أعلى الصفحة اذهب الى الأسفل
http://www.google.com
 
سي السيد ومراته امينه عام 2008
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» مواقع القرآن الكريم
» اوردر من امين اتحاد كلية العلوم الزراعية البيئية بالعريش
» رزنامة موقتة لمقاطعة القل
» جميع دروس الإجتماعيات ملخصة بطريقة رااااااااائعة وســـــهلة•™ قنبلة الموسم2008
» الاحتلال البريطاني للعراق

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء :: ...... يـــــلا نــتــــســــــلـــــــى ...... :: ()()()() اضحك بصوت عالى ()()()()-
انتقل الى: