منتدى الاصدقاء
انت غير مسجل
نرحب بك دائما عضوا معنا
برجاء التسجيل لتتمتع بامتيازات الاعضاء

منتدى الاصدقاء


 
الرئيسيةالبوابةس .و .جالتسجيلدخول

شاطر | 
 

 كرسى الحلاق

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ablacktigar
.......فــــــــــــــــــرســـان الـــــــمــــنـــــتـــــدى ........
.......فــــــــــــــــــرســـان  الـــــــمــــنـــــتـــــدى ........


عدد الرسائل : 240
العمر : 35
البلد : مصر
العمل/الترفيه : إنسان
الهواية / الاهتمامات : حزين
الشعبية بين الاعضاء : 0
النشاط : 6681
تاريخ التسجيل : 03/12/2007

مُساهمةموضوع: كرسى الحلاق   الجمعة 04 أبريل 2008, 6:10 pm

الشعر ده سمعته وعجبنى قولت انقهولكم هو لشاعر اسمه سيد الموجى معرفش عنه كتير
ده اول شعر اقراه ليه بس وصف فيه حاجـــــــــــــــات كتير

كرسي الحلاق - ألقاء

أنا باحترم كرسى الحلاق
أصله استثناء
من قاعدة بعد ما كانت داء
قلبت بوباء !
****
بقى أى كرسى ابن اللى عليه
هو اللى يليه
ويستمر و ( من غير ليه )
زحف الأبناء !
****
أى ابن صاحب دال مشهور
يصبح دكتور
وابن اللى من غير دال مقهور
ضاع علمه هباء !
****
وابن اللى على كتفه الدبابير
وعليكم خير
بكره تلاقوه له شأن كبير
جوه ( الُقُشلاق ) !
****
وابن السفير من غير هندام
ولا كُتر علام
مولود بدرجة قنصل عام
دولة واء واء !
****
وابن المدير من غير تبرير
هُب بقى مدير
لا كفاءة ولا خبرة ولاضمير
ولا حُسْن أداء !
****
وابن الوزير - ربنا يحميه
ويبارك فيه –
وزير ، وبكره ولاد معاليه
يصبحوا وزراء !
****
والجامعة فيها ابن الأستاذ
يصبح لو عاز
أستاذ ولو يتحرقوا بجاز
باقى الزملاء !
****
وفى الفنون ابن الفنان
أيا من كان
محجوز مكانه هو كمان
تحت الأضواء !
****
وابن الرياضى حبايب ابوه
بكره يخلوه
نجم النجوم وزمايله تتوه
فى حوارى بولاق !
****
وابن المذيع بطريق مشروع
أو غير مشروع
مشروع مذيع مرئى ومسموع
أرضى وفضاء !
****
أما ابن أى رئيس تحرير
أو صحفى كبير
فأكيد ومن بره الطوابير
جاى للقراء !
****
لكن يا عينى ابن الحرفوش
هذا اللى مالوش
لا عيلة ولا جد بطربوش
ولا عنده دهاء !
****
ابن اللى فيه اللى مكفّيه
بتزيد مآسيه
مش لاقى حد يحن عليه
بين الأحياء !
****
لا نفع معاه قرض ( الصندوق )
ولا دعم ( شروق )
من تحت عمره ما يطلع فوق
حتى ولو فاق !
****
واقع لا فيه منطق معقول
ولا شىء مقبول
وان قلت ليه تلقى المسئول
قال باستهزاء !
****
اشمعنى يعنى ابن الجزار
وابن النجار
وابن الغفير وابن الحمَّار
وابن السواق ؟!
****
ليه اللى وارث مهنة ابوه
منهم تسيبوه
فى حاله وخلافه تحاسبوه
وكأنه أساء ؟!
****
والرد ببساطة وبشويش
إن الحرافيش
دول اللى مش لاقيين العيش
غير الوجهاء !
****
فيه كرسى بيخلّى اللى عليه
باشا أوبيه
وكرسى مش شايلاه رجليه
زى البؤساء !
****
لكن بقى الكرسى المذكور
محجوز بالدور
ولا يعرف الغش ولا الزور
ولا الاستثناء !
****
وغير كدا حواليه مرايات
فاضحة النيَّات
وكاشفة كافة الاتجاهات
بلا أى زواق !
****
وعشان كدا أنا شايف فيه
سر يخليه
غيرعادى وواجبنا نحيّيه
كرسى الحلاق !!


الرجوع الى أعلى الصفحة اذهب الى الأسفل
sabrina
.......... امــــــيـــــــرات المـــنـــــتـــــدى ..........
..........         امــــــيـــــــرات   المـــنـــــتـــــدى         ..........


عدد الرسائل : 943
العمر : 35
البلد : دى مصر ياعبلة
العمل/الترفيه : عمل ولا ترفية ..؟
الهواية / الاهتمامات : اللى تشوفوة
مزاجى :
الشعبية بين الاعضاء : 0
النشاط : 6692
تاريخ التسجيل : 27/11/2007

مُساهمةموضوع: رد: كرسى الحلاق   السبت 05 أبريل 2008, 10:43 pm

انت بتكلم ازااااااااااى حتى الحلاق دلوقتى بيورث الكرسى
انت معندكش خلفية ولا اية

آآآآآآه لو يعرفوا اخرتها "انك ميت وانهم ميتون "

تحية لكرسى الحلاق
يووووووووة قصدى ليك يا تايجر على الموضوع
الرجوع الى أعلى الصفحة اذهب الى الأسفل
 
كرسى الحلاق
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء :: قسم الفن :: مجتمع الادباتية للروايات و القصص و الاشعار و المقالات-
انتقل الى: