منتدى الاصدقاء
انت غير مسجل
نرحب بك دائما عضوا معنا
برجاء التسجيل لتتمتع بامتيازات الاعضاء

منتدى الاصدقاء


 
الرئيسيةالبوابةس .و .جالتسجيلدخول

شاطر | 
 

 قصة همسة : يبقى انت اكيييد اكييييييد فى مصر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
NoN_sToP
Admin
Admin
avatar

عدد الرسائل : 2337
العمر : 31
البلد : ام الدنيااااااا
العمل/الترفيه : لما نشوف
الهواية / الاهتمامات : مساء الخييييييير
مزاجى :
الشعبية بين الاعضاء : 15
النشاط : 7198
تاريخ التسجيل : 30/09/2007

مُساهمةموضوع: قصة همسة : يبقى انت اكيييد اكييييييد فى مصر   السبت 06 أكتوبر 2007, 2:58 pm

[color=red]هذة القصة كفا الله الشر مش من ابداعى طبعا
بس هى عجبتنى اوى
فحبيت اشارككم بيها وياريت تعجبكم
لانها بتتكلم عن واقع كلنا بنعيشة

و الان مع القصة
مع الاحتفاظ و التقدير للمصدر
[color:116c=white:116c]
المشهد الأولانى

نهار جوانى(( داخلى يعنى))

المكان:غرفة نوم
رجل نائم ...آنسة راقدة بجانبه ونوم شديد جدا..يدل على قيامهم بمجهود عنيف....
وفجأة....تستيقظ البنت وتنظر إلى الرجل بتمعن ممزوج بالنعاس ..ثم تقررأن تقوم بما يدور في عقلها مهما كانت النتائج...و....و.....وتصعد على صدره بحركة بهلوانية عجيبةوتجثم كالليث القابض على فريسته أو القائد الذى قتل غريمه في المعركة ...ثم فجأة تنقض على أنفه عضاً ..,,,
ثم.........
جججغغغغغغغغغغ
امبللللللغغغغغ
يافتاح يا عليم يارزاق يا كريم ..انا عارف الصوت ده كويس وبحبه وبموت فيه بس مش الساعة 9 الصبح يعنى عاوزين ننام يابنتى الله يهديكىده جزائى انى بانيمك جنبي....
افتح عيونى الاقى صاحبة الصوت جاثمة على قفصي الصدرى ...
وش ملاك سبحان الله العظيم في خلقه
بتلعب في وشي مراجيح ..عض وشد وخربشة وفضايح على الصبح ...6شهور من البراءةوالجمال والتلقائية والظوافر السكاكين والحفاضات
الله يسامحك ياأختى عملتينى خال بدرى وأنامش واخدخوانة
تم اعلان حالة الطوارئ والتعبئة العامة في البيت كله..الآنسة صحيت..

تبص فى عيونها الصبح تنسي قرف الدنيا كله

v ثباح ايخييي ياخايوقوم اصحى..ماتام اناثحيت ايبيت كيو يازم يثحى...
ترجمة فورية
((صباح الخير يا خالو..قوم اصح ..مادام صحيت البيت كله لازم يصحى..))
v معليش يا همسة عاوز انام شوية..
v قيت اثحى ايعب معايا
v عاوزة ايه ...؟؟؟
v هما ييه موث بيكيبوا سيية ايقبارةخايييث
((هما ليه مش بيجيبوا سيرة القبارة خالص.؟؟))
v انهى قبارة .؟؟
v اللى الناس نزلت فيها عند السمك
v آآآه ..والله يابنتى اسم على مسمى فعلا قبارةبس خلاص بقى يا همسة السمك شبع واللى كان كان..
v انهى سمك يا خالو ..؟؟؟سمك البحر ولا سمك البر..؟؟
v سمك البر..؟؟هو فيه سمك على البر ..؟؟
v ايوة ...مش السمكة الكبيرة راحت لندن ..؟؟
v اهلا....سمك كبير..؟؟ايوة وصلت يا هانم الفكرة...بس عرفتى منين الموضوع ده...؟؟؟
v جانى على الموبيل محشيزمن واحدة زميلة في الرضاعة..
v ((ماحدش يطلب الرقم لأن تمت مصادرة الموبيل وتحويل لخط لبيزنس ومشغلينه ايجار.))
v صحيح ما انتوا جيل العولمة..؟؟
v اه المهم ..قولى....هو أنا بكام ..؟؟
v نعم ..؟؟بكام ازاى يعنى..؟؟
v مش هماقالوا الواحدب150الف..
v انا لسه صغيرة اجيب كام....؟؟؟
v الدنيا ياماماومافيها..قليلة عليكى...
v طيب فيه واحدرافع قضية على شركة تدخين عاوز 20مليون زورارتعويض عن وفاة ابوه..اشمعنى..؟؟؟
v مش عارف ...بس شفتى فايدة التدخين..؟؟
v تصدقى فكرة بدل الناس ماتغرق ..تروح تدخن احسن..
v طيب ...دم الناس اللى ماتوا دول في رقبة مين .؟؟؟
v والله يا هموس المو.....

v استنى..اناهازن شوية علشان جعانة....هافطروارجع نكمل لعب

وتزن همسة وتاخدها امها تفطرها
البحر بلع القبارة....واحنا كمان بلعناها..
الناس ماتت....العيال اتيتمت ..الستات اترملت...
سالم غرقت ز.عادى الله يرحم اللى مات...التانية اتحرقت على الرصيف من حوالى 4سنين وسحبوها تغرق في عرض البحر علشان الميناء..برده عادى....
الواحدب150بس قررررررررب قررررب
اقول لهمسة ايه..؟؟
فاصل ثم نواصل....
اشرب شاى زفتون.....
علامة الذوق الوضيع
..............
المشهد اللى بعد الأولانى
نفس المكان ما غيرناش حاجة

هففففففااااااااا
وصلت الهانم تانى ولسه باخدها من امها..ما هو أنا احسن من جليسة أطفال... المفروض يعطونى مرتب عليها.. خايف تسالنى على القبارة تانى..الا واسمع صوت ######ة جاى من عند الجيران ...
حاحا..القباحة راحة ياضنايا..وانت مابتفهمش...
نهار اسود وحواشية كحلى ..اترعبت خفت البنت تسمعها ..وكان ما اترعبت منه..
وببراءة واستغراب طفولى قالت..
v خايووو..مين قباحةدى..؟؟
v اوبااا..طب هاقولها ايه دى..؟؟
v لا عادى يا همسة ..دى...دى....
v عارفاها..شفت الهبلو كليب قبل كده طيب وهى يعنى لازم تعمل كده ...؟؟
v يادى الوقعة...جيل عارف كل حاجة...طيب شوف يا خالو مادمنا فتحنا موضوع المفسديون ..
v نعم ....خيرياماما..؟؟
v هو صحيح قناة خير اتقفلت ..؟؟؟
v مش عارف ...يمكن عطل ولا حاجة...؟؟
v عطل ..انت فاكرنى عيلة ولا ايه ..؟؟ثم عطل ايه كووووووول ده ..؟؟
v امال..؟؟؟
v يا حاج قفلووووووووووها..
v ليه طيب ...دى ..كانت بدايتها مبشرة جدا...
وبرامجهارائعة..,كمان كانت هترعى في برامجها سنة الحبيب...صلى الله عليه وسلم
v اهى هى دى بقى ...سنة الحبيب...(ص)
v وعلشان كده ..ضبة ومفتاح يا حاج
v مين اللى قال كده.؟؟
v طيب قولى انت قفلوهالييييييييييييييه؟؟؟عمومافيه قنوات اغانى وافلام كتيييييييييييير
v اتفرجوا عليها وخلاص بقى...اناكفاية علية MBC3
v والعربية..على ادى
v ايوة صح ..خليكى فيهم ..الحاجات دى أكبر من سنك..
v ثم الحاجات دى جت لك منين ..؟؟
v لا عادى على الايميل بتاعى..
v ايميلللللل...كمان ايميل...ياحلاوة....
((ماحدش يطلبه علشان بعنا الجهاز من أصله وجبابتمنه حفاضات...))
وعلى ذكر الحفاضات...الهانم بتزن تانى..فيما معناه انها لبت نداء الطبيعة ..حقها الدستورى..عادى
غياااااااااااااااااااااااااااااااااااارر

فاصل ثم نواصل

....هى دى الشوربة....
حياتى من غيرك...قششطة

المشهداللى بعد اللي بعدالاولانى
نهارخارجى
المكان:استقبال طوارئ احدى المستشفيات


v خالو ..هو احنا هنا ليه ..؟؟؟
v علشان بابا شوية بس تعبان..وهنطمن عليه ونمشي علطول...
v طيب وهما الممرضين والدكاترةمكشرين ليه؟؟..انتوا عليكوا فلوس ليهم...
v لا والله يا بنتى ولا شلن...
v طيب ممكن اروح البى نداءالطبيعة يا هموس ..
v عادى يا خالو براحتك
ورحت البى النداء...ويا ريتنى مارحت..
مش هاحكى شكل حمامات المستشفى علشان ما نخسرش بعض..
ورجعت انا وهمسة نفس المكان..
لقيت همسة مركزة فى مكان بعيد قوى كده وقالت لى
خايو بص على المسرحية دى..هتعجبك قوى ...
v زائرومعاه واحدة ست: سلام عليكم ...افتح الباب لو سمحت
v موظف الأمن :خير ((حتى ماردش السلام ))
v زائر:لا بس طالع لبنتى محجوزة فوق
v الموظف:تعالى كمان شوية..
v زائر:ليه ؟
v الموظف:كده
v زائر:ازاى يعنى كده وخلاص..
v الموظف:ياعم اصطبح هو كده وخلاص ..مالك.؟؟
v الزائر:مالى ايه عاوز اطلع لبنتى.؟..
v الموظف:كمان شوية قلنا
وتطور الحوار إلى حد السب والقذف في الاعراض والاشتباك بالايدى
أساسا الزائر غلطان ..يعنى ايه بنته فوق تبقى له ايه يعنى..؟؟حيا الله بنته..من بعيد يعنى...
المهم الشجيع بتاع الأمن غلط غلطة عمره وشتم الناس كلهم وطلع بره هو اتنين زملاؤه عاوز يضرب الراجل والست اللى معاه
واستلموهم الناس اللى بره..والباقى انتوا عارفينه
المهم جه البيه ابو كرافتة
ايه ده فيه ايه ...
انا ومجموعة تانية :الموظف بتاعكم اللى غلطان..لأنه عمل كذا كذا ..وحكينااللى شفناه
ابو كرافتة:غلطان ..؟؟خلاص نمشيه..مش عاوزين مشاكل
ونادى على الموظفين بتوع البوابةوالله ده حصل بالحرف
ابو كرافتة:
((اللى ييجى من قسم الفندقة((بفلوس يعنى)) او يقول لكم طالع الحضانة..طلعوه علطووووووووووول..اى حد تانى قولوا له تعالى الساعة 11ميعاد الزيارة))
NO COMMENT
خايوهو احنا شعب مش متربي.؟؟؟؟؟
ايوة يا همسة..للأسف يا بنتي معظمنا واول واحد أنا... ما اتربيتش خمس دقايق على بعض..علشان خليتك تشوفى منظر زى ده

فاصل ونواصل
يا اللى ما معاكمش فلوس
موتوووووووووووووووووووووووووووووووا

المشهد اللى بعد اللى فاتوا دول كلهم
نهارخارجى
المكان:بنك الدم
.............
v واحد:يا بيه عاوز صفائح
v البيه:الكيس ب640جنيه
v :طيب انا معايا ناس هتتبرع
v البيه:ماشي ..بس هيخشوا بنك الدم تبعنا احنا..
v :ازاى يعنى .؟؟مش تبديل .؟؟
v خلاص الكيس ب540
v الواحد:يابيه ده انا عاوز 13كيس
v البيه:هو ده نظام المعهد

مش هاكمل علشان ماحدش يزعل منى
كفاية منظر دموع الراجل وهو بيكلم اللى معاه
خايو هو اللى ما معاهوش فلوس وجاله مرض ويعمل ايه.؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟

فاصل ثم نواصل
شوكولاته بالاقسي
نفس الطعم المنيل في شكل اكتر من منيل
..........

المشهد الاخير
مساء داخلى
المكان:عيادة
v خايو هو الدكتور ده بيكشف بكام ..؟؟
v ب63جنيه يا حبيبتى..
v مش كتير ..؟؟
v اصله استاذكبير...ومعلق ورق كتير على الحيطةاشي انجليزى واشي عربي..وفرنساوى ...وبطيخاوى..وتقدير..وتحرير.وترب الغفير..
v طيب بس فيه ناس كتير شكلها تعبان قوى ويا عالم معاهم ولا ما معاهمش..وبعدين انت شفت كام واحد ييجى يسأل عن قيمة الكشف ويمشي زعلان.؟؟
ما يكشف زى دكاترة تانيين ب5او 20
v يا بنتى هما اللى غلطانين..حد قالهم يعيوا.؟؟؟

ياللى ما معاكمش فلوس موتوا تانى
النهاية

_________________

“Only as high as I reach can I grow,
only as far as I seek can I go,
only as deep as I look can I see,
only as much as I dream can I be


الرجوع الى أعلى الصفحة اذهب الى الأسفل
http://friends.nice-topics.com
S@Ru
.......... امــــــيـــــــرات المـــنـــــتـــــدى ..........
..........         امــــــيـــــــرات   المـــنـــــتـــــدى         ..........
avatar

عدد الرسائل : 149
العمر : 30
البلد : القاهرة
العمل/الترفيه : مهندسة بالاسم
الهواية / الاهتمامات : like a butterfly
الشعبية بين الاعضاء : 0
النشاط : 6912
تاريخ التسجيل : 12/10/2007

مُساهمةموضوع: رد: قصة همسة : يبقى انت اكيييد اكييييييد فى مصر   السبت 13 أكتوبر 2007, 6:50 am

هههههههههههههه

فعلا انت كدة تبقى فى مصر
الرجوع الى أعلى الصفحة اذهب الى الأسفل
 
قصة همسة : يبقى انت اكيييد اكييييييد فى مصر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء :: قسم الفن :: مجتمع الادباتية للروايات و القصص و الاشعار و المقالات-
انتقل الى: