منتدى الاصدقاء
انت غير مسجل
نرحب بك دائما عضوا معنا
برجاء التسجيل لتتمتع بامتيازات الاعضاء

منتدى الاصدقاء


 
الرئيسيةالبوابةس .و .جالتسجيلدخول

شاطر | 
 

 حوار بين الجد وحفيدته فى عام 2079

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
قطقوطة
عـــضـــو ذهــــبـــــى
عـــضـــو ذهــــبـــــى


عدد الرسائل : 2713
العمر : 29
البلد : مصر
العمل/الترفيه : ربنا يسهل
الهواية / الاهتمامات : فى الضياع
الشعبية بين الاعضاء : 1
النشاط : 7399
تاريخ التسجيل : 08/01/2008

مُساهمةموضوع: حوار بين الجد وحفيدته فى عام 2079   الأحد 11 يوليو 2010, 6:23 pm

حوار بين الجد وحفيدته فى عام 2079

الحفيدة : جدو تامر إزيك .. حلو البدي اللي انت لابسه ده . بس ده

موضة قديمة قوي يا جدو
الجد : يا بنتي أنا راجل دقة قديمة وبالبس زي ما جيلنا اتعود وحسب
التقاليد القديمة بتاعتنا

الحفيدة : أيوه بس مش حاسس إنك مخنوق وانت لابسه؟
الجد : أبداً ده هو ده اللبس المحتشم اللي مفروض الكل يلبسه
ويحافظ عليه .. فين أيام زمان لما كنا نلبس البدي اللي مبين البطن
والظهربس، مع البنطلون السترتش الجلد والجوانتي الجلد... كانت حاجة
آخر روشنة

الحفيدة : ياه يا جدو .. ده انتوا كان ليكم تقاليد غريبة خالص
الجد : وهو انتي فاكرة إن أيامكم دي أيام؟ يا بنتي أيامكو دي ما
يعلم بيها إلا ربنا .. فين أيام سنة 2009م ، هو الواحد فينا كان
يستجري يشرب سيجارة البانجو ولا يسحب له سطر بودرة قدام أبوه؟ طب ده
الدنيا كانت تتقلب ساعتها وما تتعدلش .. أمال إيه .. كان فيه حاجة
اسمها أخلاق
الحفيدة : معقول يا جدو؟ للدرجة دي؟؟

الجد : أمال انتي فاكرة إيه .. وبعدين كانت الست من دول ما تلبسش
اللبس الخليع بتاع اليومين دول .. يعني الجيبة كان لا يقل طولها عن
شبر ونص .. وكانوا الستات يلبسوا فوقيها بلوزة باستمرار ..مش زي دلوقتي

الحفيدة : يا خبر .. وإيه كمان ياجدو
الجد: ح أقول لك إيه ولا إيه .. يعني خدي عندك مثلاً .. زمان كنا
نسمع الطرب الأصيل لمطربين حقيقيين زي مصطفى قمر ، وعمرو دياب ،
وكانت الأغنية مدتها أكثر من دقيقتين متواصلين من الطرب الأصيل
والسريعة الروشة اللي تعمر النافوخ بصحيح كانوا مطربين روشين طحن
وكله كوم والست كوم تاني

الحفيدة: ومين الست دي يا جدو
الجد: في حد مايعرفش الست...نانسي عجرم طبعا
الحفيدة : وبعدين
الجد : وبعدين كنا نسمع على حاجة اسمها اسطوانات ليزر ، ودي صحيح
انقرضت ، بس
كان ليها طعم عن دلوقتي ، يا سلام لما كنا نحطها في الووكمان ونعلقه
في حزام البنطلون ونمشي في الشارع كده ،، كانت أيام جميلة
الحفيدة : حكاويك ممتعة قوي يا جدو .. ثانية واحدة بس لما أصحي
سوسو صاحبي
لأنه بايت معايا في الأودة من امبارح ..

)بعد عدة دقائق) هيه يا جدو .. وبعدين
الجد : أحلى أيام بقى كانت أيام الدراسة ، الفصل كان على أيامنا
رايق وعدد التلاميذ فيه ما يزيدش عن ستين سبعين تلميذ ، وكنا ساعتها
بنعرف نفهم الدرس كويس مش زي دلوقتي ، وكانت الشوارع أيامها فاضية
لأن مصر كلها كان تعدادها 70 مليون مش أكثر ، تخيلي بقى الروقان
اللي كنا فيه؟
الحفيدة : 70 مليون بس؟

الجد : أمال إيه .. علشان كده كانت كل حاجة رخيصة ، يعني مثلاً
كيلو اللحمة يوم ما يضربه الدم كان يبقى بخمسة وعشرين جنيه أو بخمسة
وتلاتين جنيه ، وكان أتخن جوز جزمة بمتين وخمسين جنيه ، وكان الواحد
يقدر يشتري شقة تمليك بـ 350 الف جنيه بس .. وكان الدولار بستة جنيه
بس تخيلي بقى؟
الحفيدة : ما هو علشان كده كان الجواز على أيامكم كان سهل خالص
الجد : أمال .. ده احنا الواحد مننا كان بمجرد ما يوصل سن 35 سنة
يبتدي يفكر في الجواز على طول ، وما كانش عندنا الأفكار الغريبة
اللي بتعملوها دلوقتي زي إن البنت تعد مع الولد كام سنه قبل الجواز
علشان يتعرفوا على بعض أكثر زيك انتي وسوسو صاحبك ، أنا شخصياً شايف
إن ده وضع مش لطيف ، ده احنا يا بنتي على أيامنا كان لا يمكن البنت
تتأخر بره البيت عن الساعة أربعة صباحاً ، طب ده باباها كان ممكن
ساعتها يخاصمها

الحفيدة : ده انتوا كنتوا متزمتين خالص ياجدو!!
الجد : يا بنتي إحنا اتربينا على الأخلاق والفضيلة والعادات
والتقاليد .. يعني كان الواحد مننا زمان لما يدخل الأسانسير ويلاقي
جاره في الأسانسير ممكن يفكر يصبح عليه ، ومش بعيد كان يسأله عن
أحواله ... وكانوا أهل الفن محتشمين جداً وكانوا دايماً يطلعوا
بالمايوهات البيكيني ، والمذيعات كانوا يقعدوا جنب الضيف مش على
ركبته زي دلوقتي... هيـ يـ يـ يـ ـه الله يرحم دي أيام

الحفيدة : رايح فين يا جدو
الجد : أصلي كنت موصي الجزار على اتنين كيلو لحمة وأعطيته ثلاثة
آلاف جنيه عربون وعايز أروح أطمن إذا كانت اللحمة وصلت ولا لأ ..
تشاو .. سي يو..


_________________
الرجوع الى أعلى الصفحة اذهب الى الأسفل
JODHA
(¯`·._.·( قطرات الندى )·._.·°¯)
(¯`·._.·( قطرات الندى )·._.·°¯)


عدد الرسائل : 328
العمر : 23
البلد : alex
العمل/الترفيه : طالبه
الهواية / الاهتمامات : الرسم والقراءه والكمبيوتر ......... الخ
مزاجى :
الشعبية بين الاعضاء : 11
النشاط : 5107
تاريخ التسجيل : 05/06/2010

مُساهمةموضوع: رد: حوار بين الجد وحفيدته فى عام 2079   الإثنين 12 يوليو 2010, 7:50 pm

هههههههههههههههههههههههه
بجد حلو اوى
ما شاء الله ع الاخلاق
هههههههههههههه
سلمت يداكى
الرجوع الى أعلى الصفحة اذهب الى الأسفل
ران
(¯`·._.·( قطرات الندى )·._.·°¯)
(¯`·._.·( قطرات الندى )·._.·°¯)


عدد الرسائل : 154
العمر : 23
البلد : مصر
العمل/الترفيه : طالبه
الهواية / الاهتمامات : القراه والرسم
الشعبية بين الاعضاء : 10
النشاط : 4920
تاريخ التسجيل : 18/06/2010

مُساهمةموضوع: رد: حوار بين الجد وحفيدته فى عام 2079   الإثنين 12 يوليو 2010, 10:14 pm

حلو فعلا يا جودا فهي اعجبتني جدا
جميل يا قطقوطه
الرجوع الى أعلى الصفحة اذهب الى الأسفل
M.M.R-SOOO
.......فــــــــــــــــــرســـان الـــــــمــــنـــــتـــــدى ........
.......فــــــــــــــــــرســـان  الـــــــمــــنـــــتـــــدى ........


عدد الرسائل : 1873
العمر : 30
البلد : مصر حبيبتى
العمل/الترفيه : سماع كاظم الساهر
الهواية / الاهتمامات : الحمد لله على كل شئ
مزاجى :
الشعبية بين الاعضاء : 4
النشاط : 7427
تاريخ التسجيل : 08/11/2007

مُساهمةموضوع: رد: حوار بين الجد وحفيدته فى عام 2079   الثلاثاء 13 يوليو 2010, 1:55 am

ههههههههههههههه
يااااااااااااااااااااااااااااااااااااه
هو فعلا ممكن يكون فيه ايام اسود من اللى احنا فيها دى ؟؟؟؟؟؟؟
ده الوضع حيبقى فعلا صعب
اللهم اخرجنا منها وانت راضا عنا

_________________












بعد الحب وبعد العشره نلتقى مثل الاغراب واحدنا ما بيعرف التانى ولا كأنا كنا احباب
ماتت لهفتنا المجنونه ما اقساه وما اقسانى اتسأل وحدى واتألم ياترى من فينا الجانى
الزمن الزمن اتغير
لو احنا لو احنا ما بينا عيون
احنا مجرد هيكل فاضى
مات الانسان بداخلنا مات مات مات النور اللى بنهتدى بيه



الرجوع الى أعلى الصفحة اذهب الى الأسفل
http://friends.nice-topics.com/
صباح الندى
صديق فعال
صديق  فعال


عدد الرسائل : 187
العمر : 23
البلد : بيتنا
العمل/الترفيه : طالب
الهواية / الاهتمامات : القراءه والرياضة
الشعبية بين الاعضاء : 10
النشاط : 4918
تاريخ التسجيل : 02/07/2010

مُساهمةموضوع: رد: حوار بين الجد وحفيدته فى عام 2079   الأربعاء 14 يوليو 2010, 8:20 am

جميله اوى
بس هو يبقى فيه فعلا حاجات افظع من اللى بنشوفها
ربنا يلطف...........
الرجوع الى أعلى الصفحة اذهب الى الأسفل
همسة
(¯`·._.·( قطرات الندى )·._.·°¯)
(¯`·._.·( قطرات الندى )·._.·°¯)


عدد الرسائل : 866
العمر : 23
البلد : مصر
العمل/الترفيه : طالبة
الهواية / الاهتمامات : الكمبيوتر والقراءة
مزاجى :
الشعبية بين الاعضاء : 17
النشاط : 5803
تاريخ التسجيل : 02/05/2010

مُساهمةموضوع: رد: حوار بين الجد وحفيدته فى عام 2079   الأربعاء 14 يوليو 2010, 1:01 pm

جميله يا قطقوطة
الرجوع الى أعلى الصفحة اذهب الى الأسفل
 
حوار بين الجد وحفيدته فى عام 2079
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء :: ...... يـــــلا نــتــــســــــلـــــــى ...... :: ()()()() اضحك بصوت عالى ()()()()-
انتقل الى: