منتدى الاصدقاء
انت غير مسجل
نرحب بك دائما عضوا معنا
برجاء التسجيل لتتمتع بامتيازات الاعضاء

منتدى الاصدقاء


 
الرئيسيةالبوابةس .و .جالتسجيلدخول

شاطر | 
 

 قالولي بتحب مصر..سؤال الكل لازم يجاوبه؟؟

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
ablacktigar
.......فــــــــــــــــــرســـان الـــــــمــــنـــــتـــــدى ........
.......فــــــــــــــــــرســـان  الـــــــمــــنـــــتـــــدى ........
avatar

عدد الرسائل : 240
العمر : 36
البلد : مصر
العمل/الترفيه : إنسان
الهواية / الاهتمامات : حزين
الشعبية بين الاعضاء : 0
النشاط : 7281
تاريخ التسجيل : 03/12/2007

مُساهمةموضوع: قالولي بتحب مصر..سؤال الكل لازم يجاوبه؟؟   الأحد 09 ديسمبر 2007, 7:20 pm

أحترت أكتب الموضوع ده في اى قسم (القضايا السياسية _ في كلام جوايا ولا الادباتية ) فلقيت انه قضية فعلا
أكيد كلنا سألنا نفسنا ليه بنحب مصر وجاوبنا بإجابات مرضية لنفسنا أو معر فناش أصلا نجاوب وتعبنا من التفكير .يمكن عشان أتولدنا أحنا وأهلنا فيها .يمكن عشان فتحنا عيونا على أغاني عبد الحليم وعبد الوهاب الوطنية . يمكن عشان مشوفناش غيرها بس فينا أكيد اللي سافر وشاف بلاد غير مصر ليه مبدلش حبه عنها
- سمعنا شعر كتييييييير في حب مصر وكمان في السخط عليها (أحمد فؤاد نجم – نجيب سرور – أغاني الشيخ أمام) .
بصراحة أنا زهقت من السؤال ومش عارف أجاوب هسيب السؤال وكل واحد يجيب سبب لحبه لمصر .
بس هعرض عليكم شعر لواحد مش من ولادها للشاعر تميم ألبرغوثي بس قرب للحقيقة وبرضه تاه
فى الإجابة
قالولي بتحب مصر فقلت مش عارف
المعنى كعبة وانا بوَفْد الحروف طايف
وألف مغزل قصايد في الإدين لافف
قالولي بتحب مصر فقلت مش عارف
أنا لما أشوف مصر ع الصفحة بكون خايف
************
ما يجيش في بالي هرم ما يجيش في بالي نيل
ما يجيش في بالي غيطان خضرا وشمس أصيل
ولا جزوع فلاحين لو يعدلوها تميل
حكم الليالي ياخدهم في الحصاد محاصيل
ويلبّسوهم فراعنة ساعة التمثيل
وساعة الجد فيه سخرة وإسماعيل
ما يجيش في بالي عرابي ونظرته في الخيل
وسعد باشا وفريد وبقيّة التماثيل
ولا ام كلثوم في خِمسانها ولا المنديل
الصبح في التاكسي صوتها مبوظُّه التسجيل
ما يجيش في بالي العبور وسفارة اسرائيل
ولا الحضارة اللي واجعة دماغنا جيل ورا جيل
قالولي بتحب مصر أخدني صمت طويل
وجت في بالي ابتسامة وانتهت بعويل



وده لينك فى الديوان كامل ياريت نقراه ونعلق عليه
حملوا الديوان من هنا



قالولي بتحب مصر(







عدل سابقا من قبل ablacktigar في الأحد 02 مارس 2008, 1:36 pm عدل 2 مرات
الرجوع الى أعلى الصفحة اذهب الى الأسفل
hana
.......... امــــــيـــــــرات المـــنـــــتـــــدى ..........
..........         امــــــيـــــــرات   المـــنـــــتـــــدى         ..........
avatar

عدد الرسائل : 328
العمر : 31
البلد : alex
العمل/الترفيه : INTERNET
الهواية / الاهتمامات : أخر روشنه
الشعبية بين الاعضاء : 0
النشاط : 7290
تاريخ التسجيل : 27/11/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الأحد 09 ديسمبر 2007, 7:35 pm

بجد انا بحب مصر حب فطرى ملوش اجابه غير انى بحبها
مصر تتحب
ولو هى مطلعه عينى برضه بحبها
الرجوع الى أعلى الصفحة اذهب الى الأسفل
hana
.......... امــــــيـــــــرات المـــنـــــتـــــدى ..........
..........         امــــــيـــــــرات   المـــنـــــتـــــدى         ..........
avatar

عدد الرسائل : 328
العمر : 31
البلد : alex
العمل/الترفيه : INTERNET
الهواية / الاهتمامات : أخر روشنه
الشعبية بين الاعضاء : 0
النشاط : 7290
تاريخ التسجيل : 27/11/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الأحد 09 ديسمبر 2007, 7:36 pm

نسيت اقولك الصوره تجنن
واللى متغاظ يدافعله اللى ماسك الدفه
الرجوع الى أعلى الصفحة اذهب الى الأسفل
الفرعون العاشق
صديق فعال
صديق  فعال
avatar

عدد الرسائل : 86
العمر : 27
البلد : alex
العمل/الترفيه : sports
الهواية / الاهتمامات : عالى
الشعبية بين الاعضاء : 0
النشاط : 7280
تاريخ التسجيل : 02/12/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الأحد 09 ديسمبر 2007, 7:46 pm

انا لازم احب مصر علشان مصر ام الدنيا ومحدش يكتر اكتر من كده علشان( بابا) ما يزعلش منه وانتوا عارفين اللى (بابا)بيزعل منه حايروح مارينا على طول
farao الفرعون العاشق farao
الرجوع الى أعلى الصفحة اذهب الى الأسفل
ablacktigar
.......فــــــــــــــــــرســـان الـــــــمــــنـــــتـــــدى ........
.......فــــــــــــــــــرســـان  الـــــــمــــنـــــتـــــدى ........
avatar

عدد الرسائل : 240
العمر : 36
البلد : مصر
العمل/الترفيه : إنسان
الهواية / الاهتمامات : حزين
الشعبية بين الاعضاء : 0
النشاط : 7281
تاريخ التسجيل : 03/12/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الأحد 09 ديسمبر 2007, 8:02 pm

شكرا يا فرعون على ردك (مارينا ) مرة واحدة يارب (والدك) يزعل منى
عارف ان كلنا بنحب مصر بالفطرة واتولدنا على كده بس لييييييييييييييييييييييييييييييه
الرجوع الى أعلى الصفحة اذهب الى الأسفل
allias
.......... امــــــيـــــــرات المـــنـــــتـــــدى ..........
..........         امــــــيـــــــرات   المـــنـــــتـــــدى         ..........
avatar

عدد الرسائل : 810
العمر : 33
البلد : egypt
العمل/الترفيه : بكالو ريوس تجاره
الهواية / الاهتمامات : عادى
مزاجى :
الشعبية بين الاعضاء : 3
النشاط : 7321
تاريخ التسجيل : 27/11/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الأحد 09 ديسمبر 2007, 8:37 pm

هو انا برضه بحبها
بس مش عارفه ليه
يمكن علشان اهلها
اه الطيبه قلت شويه
ما بقتش زى زمان
يمكن علشان ارضها
مع انها بقت قاسيه على
اهلها
بجد انا احترت ولما دورت
قلت احلى حاجه
احبها علشان انا بحبها
اللى يحب حد بجد مش
بيدور على سبب لحله
بيقبله زى ماهو
الرجوع الى أعلى الصفحة اذهب الى الأسفل
S@Ru
.......... امــــــيـــــــرات المـــنـــــتـــــدى ..........
..........         امــــــيـــــــرات   المـــنـــــتـــــدى         ..........
avatar

عدد الرسائل : 149
العمر : 31
البلد : القاهرة
العمل/الترفيه : مهندسة بالاسم
الهواية / الاهتمامات : like a butterfly
الشعبية بين الاعضاء : 0
النشاط : 7382
تاريخ التسجيل : 12/10/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الأحد 09 ديسمبر 2007, 11:30 pm

حاجة غريبة فعلا
تجربة انك تبعد عنها ما تعرفش
تلاقى نفسك مش مرتاح لغاية ما ترجع ارضها تانى
هو فعلا ممكن علشان طول عمرنا عايشين على ارضها
و فيها كل اهلى و اصحابى وحبايبى
بس المفروض علشان بنحبها يبقى نحافظ عليها
يمكن فى ساعات كتيرة بنتضايق جداا منها
بس بردة نرجع و نقول بنحبها
ممكن يردة علشان اتربينا فيها ماشفناش غيرها
حلو اوى الموضع دة للنقاش
يمكن يغير خطط فى حياتنا ربنااعلم بيها مش كدة ياادمن
الرجوع الى أعلى الصفحة اذهب الى الأسفل
the_knight
Admin
Admin
avatar

عدد الرسائل : 2171
العمر : 32
البلد : الامه العربيه
العمل/الترفيه : موظف
الهواية / الاهتمامات : لعب الشطرنج والغناء
مزاجى :
الشعبية بين الاعضاء : 1
النشاط : 7559
تاريخ التسجيل : 06/10/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الأحد 09 ديسمبر 2007, 11:53 pm

احنا حبنا لمصر عمره ما قل وكلنا بنحبها لان ده المكان اللى عشنا فيه واتولدنا فيه
ولو كان حد زعل من مصر قبل كده فى لحظه فاحب اقوله زعلك مكنش من مصر
زعلك كان على مصر وكان اللى مزعلك ناس فى مصر مش مصر نفسها
مصر حضنتك وربتك من خيرها لكن كون جه وقت واتصرف فيها ناس تصلافات مش كويسه مش معنى كده اننا نزعل من مصر نفسها
انما نزعل من اللى يزعل مصر
وده رأيى
ومتزعلش منى يا عثل

_________________
اما انا فقلبى ليس كباقى القلوب
قلبى قلب تائه فى طرقات الحب وفى الدروب
قلبى قلب مشرد ليس له وطن ولا بيت كالبيوت
انما بيته بيت ضعيف كبيت العنكبوت
لا يحمى من هوا ولا يسكنه الا السكوت
سائد الصمت فيه فلا تدرى هل الزمان به وقف ام انه مازال يفوت
فما لقلبى فى هذه الوحده من مؤنس الا نبضاته و صدى الصوت


لا تسخرى من قلب عشقك حتى الذل فأن هذا الذل ما هو الا قمه الكبرياء[/b]
[/center][b][b]
الرجوع الى أعلى الصفحة اذهب الى الأسفل
http://www.friends.nice-topics.com
NoN_sToP
Admin
Admin
avatar

عدد الرسائل : 2337
العمر : 32
البلد : ام الدنيااااااا
العمل/الترفيه : لما نشوف
الهواية / الاهتمامات : مساء الخييييييير
مزاجى :
الشعبية بين الاعضاء : 15
النشاط : 7668
تاريخ التسجيل : 30/09/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الأحد 09 ديسمبر 2007, 11:57 pm

يارب فعلا يغير خطط من حياتنا
و يمنع تمسكنا من السفر برة
بلدنا محتاجة لنا
لما احنا اللى المفروض نعمرها نسيبها و نطلع بردة مين اللى هيبنيها
يستوردولها مهندسين ولا عمالة من روسيا مثلااا
و موضوعك جميل يا بلا تايجر و فكرتة حلوة

_________________

“Only as high as I reach can I grow,
only as far as I seek can I go,
only as deep as I look can I see,
only as much as I dream can I be


الرجوع الى أعلى الصفحة اذهب الى الأسفل
http://friends.nice-topics.com
ablacktigar
.......فــــــــــــــــــرســـان الـــــــمــــنـــــتـــــدى ........
.......فــــــــــــــــــرســـان  الـــــــمــــنـــــتـــــدى ........
avatar

عدد الرسائل : 240
العمر : 36
البلد : مصر
العمل/الترفيه : إنسان
الهواية / الاهتمامات : حزين
الشعبية بين الاعضاء : 0
النشاط : 7281
تاريخ التسجيل : 03/12/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الإثنين 10 ديسمبر 2007, 1:13 am



جميل كل اللي أتقال من أول كلام allias وهانا والفرعون العاشق إن الإنسان لما بيحب حد مبيسألش هو حبه ليه كل حاجة ليها مزاياها وعيوبها وده يوصلنا إن مفيش تعريف للحب أصلا الحب إلتزام مشاعر عاطفة منعرفش جت إمتي وجت ليه .

وكلام S@Ru وthe_knight فوق الرائع بس يوصلنا لأن حب مصر التزام مكاني لأننا طول عمرنا عايشين فيها واتولدنا فيها ومحدش قال أننا نتغرب أو نبعد عنها قاعدين فيها حتى لو الرزق ضاق أو أتخنقنا من تصرفات مش مضبوطة لا هنحاول اننا نغير من نفسنا ونغير من اللي حوالينا ويرضه نسأل نفسنا ليه البلد دى بنحبها حتى وإحنا ساخطين على كل الأوضاع الغلط ومهما كان مش هنيأس.

الكلام ده طلع سؤال

هل حب مصر التزام مكاني( تعود ) لأننا أتولدنا هنا ولا حب ناتج عن إحساس بان البلد دى فيها حاجات كتيييير جميلة شعب يفرح يعيط يحزن يعيط يضرب على دماغه ويلاقى قوته قليل.... يصبر ويشد الحزام ويقوم تانى أجمد وأقوى ويقول كلام سيد درويش أنا المصري كريم العنصرين . يحزن ويبقى في قمة غيظه لما يعرف أن في قطر وقع أو عبارة غرقت أو شباب مصري مات على الحدود ويهيج ويزعق لكن في الأخر يستكين ويرجع تانى يصحى الصبح يدور على رزقه ولا كأن حاجة حصلت أصلا و برضه .

بنحب مصــــــــر











الرجوع الى أعلى الصفحة اذهب الى الأسفل
hana
.......... امــــــيـــــــرات المـــنـــــتـــــدى ..........
..........         امــــــيـــــــرات   المـــنـــــتـــــدى         ..........
avatar

عدد الرسائل : 328
العمر : 31
البلد : alex
العمل/الترفيه : INTERNET
الهواية / الاهتمامات : أخر روشنه
الشعبية بين الاعضاء : 0
النشاط : 7290
تاريخ التسجيل : 27/11/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الإثنين 10 ديسمبر 2007, 1:06 pm

بجد كملت الموضوع بكلام اروع من اللى قبله
فعلا فيه الفه بين المصرى واخوه المصرى بتبكى على محنته وهو بعيد عنك
وتتالم لوقوعه فى كارثه وتفضل تدعى له ربنا يفك كربه
عمرك شفت شعب كده فى الدنيا
انا بفتخر انى مصريه وبقول باعلى صوتى بحب مصر
بس يا شباب ده مش مجرد كلام ده انذار علشان نغير من نفسنا لصالح مصر
ما تيجى ايدينا فى ايدين بعض نحب مصر بجد
فعل مش كلام
الرجوع الى أعلى الصفحة اذهب الى الأسفل
the_knight
Admin
Admin
avatar

عدد الرسائل : 2171
العمر : 32
البلد : الامه العربيه
العمل/الترفيه : موظف
الهواية / الاهتمامات : لعب الشطرنج والغناء
مزاجى :
الشعبية بين الاعضاء : 1
النشاط : 7559
تاريخ التسجيل : 06/10/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الإثنين 10 ديسمبر 2007, 1:15 pm

ازاى يا هانا
انا مش عاايز اتكلم عشان مش حلاقى حد يزورنى حتى بعيش وحلاوه

_________________
اما انا فقلبى ليس كباقى القلوب
قلبى قلب تائه فى طرقات الحب وفى الدروب
قلبى قلب مشرد ليس له وطن ولا بيت كالبيوت
انما بيته بيت ضعيف كبيت العنكبوت
لا يحمى من هوا ولا يسكنه الا السكوت
سائد الصمت فيه فلا تدرى هل الزمان به وقف ام انه مازال يفوت
فما لقلبى فى هذه الوحده من مؤنس الا نبضاته و صدى الصوت


لا تسخرى من قلب عشقك حتى الذل فأن هذا الذل ما هو الا قمه الكبرياء[/b]
[/center][b][b]
الرجوع الى أعلى الصفحة اذهب الى الأسفل
http://www.friends.nice-topics.com
hana
.......... امــــــيـــــــرات المـــنـــــتـــــدى ..........
..........         امــــــيـــــــرات   المـــنـــــتـــــدى         ..........
avatar

عدد الرسائل : 328
العمر : 31
البلد : alex
العمل/الترفيه : INTERNET
الهواية / الاهتمامات : أخر روشنه
الشعبية بين الاعضاء : 0
النشاط : 7290
تاريخ التسجيل : 27/11/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الإثنين 10 ديسمبر 2007, 1:17 pm

عيب يا باشا واحنا رحنا فين

جرب بس وشوف ولاد مصر هيعملوا معاك ايه
الرجوع الى أعلى الصفحة اذهب الى الأسفل
the_knight
Admin
Admin
avatar

عدد الرسائل : 2171
العمر : 32
البلد : الامه العربيه
العمل/الترفيه : موظف
الهواية / الاهتمامات : لعب الشطرنج والغناء
مزاجى :
الشعبية بين الاعضاء : 1
النشاط : 7559
تاريخ التسجيل : 06/10/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الإثنين 10 ديسمبر 2007, 1:49 pm

معاك يا ريس معاك ياريس
واول ما اتكلم واتسحب على مارينا ملقيش حد يقول معاك ياريس
الله يمسيك بالخير يا ايمن نور

_________________
اما انا فقلبى ليس كباقى القلوب
قلبى قلب تائه فى طرقات الحب وفى الدروب
قلبى قلب مشرد ليس له وطن ولا بيت كالبيوت
انما بيته بيت ضعيف كبيت العنكبوت
لا يحمى من هوا ولا يسكنه الا السكوت
سائد الصمت فيه فلا تدرى هل الزمان به وقف ام انه مازال يفوت
فما لقلبى فى هذه الوحده من مؤنس الا نبضاته و صدى الصوت


لا تسخرى من قلب عشقك حتى الذل فأن هذا الذل ما هو الا قمه الكبرياء[/b]
[/center][b][b]
الرجوع الى أعلى الصفحة اذهب الى الأسفل
http://www.friends.nice-topics.com
the_knight
Admin
Admin
avatar

عدد الرسائل : 2171
العمر : 32
البلد : الامه العربيه
العمل/الترفيه : موظف
الهواية / الاهتمامات : لعب الشطرنج والغناء
مزاجى :
الشعبية بين الاعضاء : 1
النشاط : 7559
تاريخ التسجيل : 06/10/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الإثنين 10 ديسمبر 2007, 3:42 pm

حب مصر حب وطن وكل انسان ايا كان بيحب وطنه الا الخائن
وده السبب فى الحروب كلها ان الناس بتدافع عن وطنها
والوطن ده يعتبر من اغلى الحاجات اللى حبها بيكون بالفطره
والعقيده والوطن الاتنين من اغلى الحاجات اللى محدش يقدر يستغنى عنهم الدليل هو ان اى حرب بتقوم عشان ناس بتدافع عن وطنهم

_________________
اما انا فقلبى ليس كباقى القلوب
قلبى قلب تائه فى طرقات الحب وفى الدروب
قلبى قلب مشرد ليس له وطن ولا بيت كالبيوت
انما بيته بيت ضعيف كبيت العنكبوت
لا يحمى من هوا ولا يسكنه الا السكوت
سائد الصمت فيه فلا تدرى هل الزمان به وقف ام انه مازال يفوت
فما لقلبى فى هذه الوحده من مؤنس الا نبضاته و صدى الصوت


لا تسخرى من قلب عشقك حتى الذل فأن هذا الذل ما هو الا قمه الكبرياء[/b]
[/center][b][b]
الرجوع الى أعلى الصفحة اذهب الى الأسفل
http://www.friends.nice-topics.com
ablacktigar
.......فــــــــــــــــــرســـان الـــــــمــــنـــــتـــــدى ........
.......فــــــــــــــــــرســـان  الـــــــمــــنـــــتـــــدى ........
avatar

عدد الرسائل : 240
العمر : 36
البلد : مصر
العمل/الترفيه : إنسان
الهواية / الاهتمامات : حزين
الشعبية بين الاعضاء : 0
النشاط : 7281
تاريخ التسجيل : 03/12/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الإثنين 10 ديسمبر 2007, 9:35 pm

برضه مجتش للنقطة اللي عايزها يانايت معروف إن الوطن والعقيدة اغلي شئ في الوجود بس يا فارس الفرسان الدفاع مبيبقاش عشان حب لا شعوري نتج عن العشرة فالإنسان بيحب نفسه وما يتعلق بها حبا يفوق إدراكه ولو بصيت لكل الحروب على مدى التاريخ مش هتلاقيها دفاع عن الوطن بس هتلاقيها دفاع عن مبدأ عن كيان مجتمعي نشأ بالمعايشة ولو قرينا فى التاريخ هنعرف ليه بنحب مصر مصر الكرامة ولا أقولك أنا هقول كلام عمنا (صلاح جاهين
على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب
على اسم مصر
مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
على اسم مصر
أنا اللي اسمي حتحـور .. أنا بنت رع
مثـال الأمـومـة ورمـز الحـنـان
تفـيض حـلمـاتي وتمـلا الـتـرع
وتسـقـي البـشـر كلهـم والغـيـطان
نهايته يا مصر اللي كانت أصبحت وخلاص
تمثال بديع وانفه في الطين غاص
وناس من البدو شدوا عليه حبال الخيش
والقرص رع العظيم بقى صاج خبيز للعيش
وساق محارب قديم مبتورة ف أبو قرقاص
ما تعرف اللي بترها سيف والا رصاص
والا الخراب اللي صاب عقل البلد بالطيش
قال ابن خلدون أمم متفسخة تعيش ليش
وحصان صهل صحى جميع الجيش
على اسم مصر
النخل في العالي والنيل ماشي طوالي
معكوسة فيه الصـور .. مقلوبة وأنا مالي
يا ولاد أنا ف حالي زى النقش في العواميد
زى الهلال اللي فوق مدنه بنوها عبيد
وزى باقي العبيد باجري على عيالي
باجري وخطوي وئيد من تقل أحمالي
محنية قامتي .. وهامتي كأن فيها حديد
وعينيا رمل العريش فيها وملح رشيد
لكني بافتحها زي اللي اتولدت من جديد
على اسم مصر
مصر .. التلات أحرف الساكنة اللي شاحنة ضجيج
زوم الهوا وطقش موج البحر لما يهيج
وعجيج حوافر خيول بتجر زغروطة
حزمة نغم صعب داخلة مسامعي مقروطة
في مسامي مضغوطة مع دمي لها تعاريج
ترع وقنوات سقت من جسمي كل نسيج
وجميع خيوط النسيج على نبرة مربوطة
أسمعها مهموسة والا أسمعها مشخوطة
شبكة رادار قلبي جوه ضلوعي مضبوطة
على اسم مصر
وترن من تاني نفس النبرة في وداني
ومؤشر الفرحة يتحرك في وجداني
وأغاني واحشاني باتذكرها ما لهاش عد
فيه شيء حصل أو بيحصل أو حيحصل جد
أو ربما الأمر حالة وجد واخداني
انا اللي ياما الهوى جابني ووداني
وكلام على لساني جاني لابد أقوله لحد
القمح ليه اسمه قمح اليوم وأمس وغد
ومصر يحرم عليها .. والجدال يشتد
على اسم مصر


عدل سابقا من قبل ablacktigar في الأحد 02 مارس 2008, 1:42 pm عدل 1 مرات
الرجوع الى أعلى الصفحة اذهب الى الأسفل
NoN_sToP
Admin
Admin
avatar

عدد الرسائل : 2337
العمر : 32
البلد : ام الدنيااااااا
العمل/الترفيه : لما نشوف
الهواية / الاهتمامات : مساء الخييييييير
مزاجى :
الشعبية بين الاعضاء : 15
النشاط : 7668
تاريخ التسجيل : 30/09/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الجمعة 14 ديسمبر 2007, 3:21 am

جميل اوى فكرتك دى يا بلاك تايجر
بس اناا بردة زى ما قالوا ان حبنا لمصر مالهوش تفسير
ايوة فعلا مالهوش تفسير
زى حاجات كتيرة جداااا فى حياتنا
دة مش كلامى انا
دة كلام ناس لهم خبرة فى الحياة مرها و حلوها
شافوا فى البلاد دى الخير و الشر
النعيم و الرخاء
و ضيق اليد و العسرة

اما لو كنت بتسال عن السبب
فاحب اسالك انا سؤال
انت بتحب والدتك و اسرتك , صح ؟؟؟
لييييه ؟؟
تعرف تجاوب
لو عرفت تجاوب حط اجبتك هنا تبقى انت جاوبت على سؤالك
ضيف على اجابتك على الاسئلة دى
انت ليييه بتحب الرسول الكريم ؟؟؟؟؟؟
انت ليه بتتضايق جداا لما بتسمع حد بيشتم مصر ؟؟؟
انت ليه لما فريق كرة القدم المصرى مثلا يفوز ببطوله بتبقى مبسوط مع انك ما لكش اصلا اى اهتمام بكرة القدم مثلا ؟؟؟
انت ليه لما بتشوف حادثة حصلت فى مصر بتتضايق جداا مع انك مش متضرر منها ؟؟؟؟؟
انت ليه لما بتشوف منظر جميل فى بلدك بتبتسم ؟؟؟
و ليه لما تشوف منظر قبيح فى التلفزيون مثلا عن بلدك بتتاثر ؟؟؟
لو تعرف تجاوب يبقى انت عارف الاجابة على سؤالك دة
بس انا متاكد ان الاجابة على الاسئلة دى صعب جداااا
لانه عبارة عن احساس لا تستطيع سطرة بقلمك او كتابتك
احساس لا يوصف
بل يشعر به كل من له قلب ينبض

_________________

“Only as high as I reach can I grow,
only as far as I seek can I go,
only as deep as I look can I see,
only as much as I dream can I be


الرجوع الى أعلى الصفحة اذهب الى الأسفل
http://friends.nice-topics.com
NoN_sToP
Admin
Admin
avatar

عدد الرسائل : 2337
العمر : 32
البلد : ام الدنيااااااا
العمل/الترفيه : لما نشوف
الهواية / الاهتمامات : مساء الخييييييير
مزاجى :
الشعبية بين الاعضاء : 15
النشاط : 7668
تاريخ التسجيل : 30/09/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الجمعة 14 ديسمبر 2007, 3:30 am

ودى قصيدة للاستاذ طارق المملوك استاذنة انى اشارككم بيها


يا مصر احبابك
يا مصر ..
احنا الرجال واقفين على بابك..
طالبين ايديكى .
و كتروا خطابك..
وانا منهم .
عاشق ف عشاقك..
طالب القرب منك .
و جايلك شابك .
ولو عمرك يفوق عمرى .
يا مصر السن لم عابك .
دى سمانا لو يوم ضوّت .
يا مصر لمعابك .
ولو مالت للعدا الدنيا .
الكون يا مصر .. من هابك .
يا فرحتى لو تقبلينى يا مصر ..
محب وسط احبابك .

_________________

“Only as high as I reach can I grow,
only as far as I seek can I go,
only as deep as I look can I see,
only as much as I dream can I be


الرجوع الى أعلى الصفحة اذهب الى الأسفل
http://friends.nice-topics.com
ablacktigar
.......فــــــــــــــــــرســـان الـــــــمــــنـــــتـــــدى ........
.......فــــــــــــــــــرســـان  الـــــــمــــنـــــتـــــدى ........
avatar

عدد الرسائل : 240
العمر : 36
البلد : مصر
العمل/الترفيه : إنسان
الهواية / الاهتمامات : حزين
الشعبية بين الاعضاء : 0
النشاط : 7281
تاريخ التسجيل : 03/12/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الجمعة 14 ديسمبر 2007, 4:33 am



الكل جاوب على السؤال وهو حاطط في دماغه فكرة معينة أنى مبحبش مصر أو جوايا حاجة بتقولي متحبهاش . لا طبعا أنا متأكد من مشاعري ناحية البلد وعارف أن حب مصر حب فطرى نشأ معايا و معاكم من يوم ما أتوجدنا في البلد دى . من أول ما عرفنا نتكلم ولاقينا أهالينا بيحكولنا على أمجاد البلدي سعد زغلول , عرابي , مصطفى كامل , محمد فريد النكسة , العبور , ...............) من يوم ما بدأنا نسمع عبد الحليم وهو بيقول صباح الخير يا سيناء. على أم كلثوم وهيا بتقول "أنا إن قدر الإله مماتي لا تري الشرق يرفع الرأس بعدي" من يوم ما روحنا المدرسة وأخدنا أول درس تاريخ ---- الشئ ده مسلم بيه أننا بنحبها


طيب ..... الحب الفطري ده يخليك تموت نفسك عشان تراب البلدي ما بالك بقي لو فكرت أيه أسباب حبك هتعمل أيه مش هتفكر تنمى الأسباب دي عشان تفضل موجودة عشان ولادك هما كمان يحبوها يلاقو لسه الحاجة دي موجودة.


أنا كنت بقول زمان لنفسي أن لو عرفت سبب حبى يبقي مش بحب. لكن لما فكرت تانى وبعد عدة تجارب لقيت أنى لو عرفت أنا بحب ليه يبقى بعشق مش بحب وده هيخلينى من جوه أحاول بدمى أنى مفترقش عن عشقي..[/color]


مثلا يا أدمن أنتا كتبت في ردك سؤال أنا ليه بحب الحبيب عليه الصلاة والسلام؟؟


يمكن أن شايف أن الفرق كبير بين محمد بن عبد الله سيد ولد أدم وبين عنصر مكان حتى ولو كان بيتي و أهلي بس طبعا هو خير مثل ... أنا اللي هسألك لو قلت انك بتحب الرسول حب فطري ناتج عن أنك مسلم ومن يوم ماأتولدت بتسمع عن حب رسول الله ... هل الأحسن تحبه حب معرفة ناتج عن علمك بكل شمايله وتعبه اللي تعبه في نشر الدعوة ولا حب ناتج عن الفطرة وبس ... أنا شايف أن حب المعرفة أعلى قدر ليه ( عليه الصلاة والسلام ) حب المعرفة هيخليك على دراية كاملة بسبب حبك ده فتحاول تقتدي بيه وتنشر دعوته بحب العشق مش بحب المتيم بشخصية وبس.


لو رجعنا للفرضية تانى لمصر هتلاقي حبك لتاريخ مصر وحضارة مصر ونــــــــاس مصر اااااااااه ناس مصر المصبوغين بصبغة غريبة ربنا أضافها لينا عن كل البشر ... مصر اللي ربنا ذكرها في القرءان 28 مرة في حين ذكر مكة موضع البيت الحرام 4 مرات . على ما اعتقد وطبعا أنا مش من أهل التفسير عشان أفسر بس هجتهد معتقدش أن الذكر 28 ذكر حدثي ( قصة سيدنا موسي –وسيدنا يوسف ) بس . والآ مكة مهبط الرسالة ومقر البيت الحرام كانت حازت على القرءان كله.


تساؤلات كتيرة وكلام كتير عن حب مصر هتاخدنا فى بحر طويل من النقاش لو عايزين نفتحه يبقى ياريت ياادمن بعد أذنك تعمل موضوع( تعالوا نعرف تاريخنا) يمكن في الأخر نقدر نجاوب على السؤال مع أنى حاولت وبرضه معرفتش[/color]


وارجع وأقول




قالولي بتحب مصر فقلت مش عارف
روحوا اسألوا مصر هيّه عندها الإجابات


الرجوع الى أعلى الصفحة اذهب الى الأسفل
NoN_sToP
Admin
Admin
avatar

عدد الرسائل : 2337
العمر : 32
البلد : ام الدنيااااااا
العمل/الترفيه : لما نشوف
الهواية / الاهتمامات : مساء الخييييييير
مزاجى :
الشعبية بين الاعضاء : 15
النشاط : 7668
تاريخ التسجيل : 30/09/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الجمعة 14 ديسمبر 2007, 12:37 pm

انا حبيت بس الفت انتباهكم لحاجة
انا لما سالت عن حبك بخصوص الرسول الكريم
ما كنتش اقصد المقارنة
انا كنت اقصد الاحساس
الاحساس الذى لا تستطيع ان تصفة
شعورك تجاة حب النبى و شعورك تجاة اهلك ووطنك
انما لا اقارن
حاجة تانية بخصوص موضوع ان احنا نعرف تاريخنا فكرة كويسة جدااا
و ممكن نبتدى فيها من داخل قسم السياحةو السفر
و ممكن طلب خاص
ياريت اللون الخاص بالكتابة يكون واضح و انا عدلت من اللون لكى اتمكن من قراءة الموضوع

_________________

“Only as high as I reach can I grow,
only as far as I seek can I go,
only as deep as I look can I see,
only as much as I dream can I be


الرجوع الى أعلى الصفحة اذهب الى الأسفل
http://friends.nice-topics.com
sabrina
.......... امــــــيـــــــرات المـــنـــــتـــــدى ..........
..........         امــــــيـــــــرات   المـــنـــــتـــــدى         ..........
avatar

عدد الرسائل : 943
العمر : 36
البلد : دى مصر ياعبلة
العمل/الترفيه : عمل ولا ترفية ..؟
الهواية / الاهتمامات : اللى تشوفوة
مزاجى :
الشعبية بين الاعضاء : 0
النشاط : 7292
تاريخ التسجيل : 27/11/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   السبت 15 ديسمبر 2007, 8:35 pm

على اسم مصر التاريخ يقدر يقول ما شاء
أنا مصر عندي أحب وأجمل الأشياء

مصر هى امى .. نيلها هو دمى
شمسها فى سمارى... شكلها فى ملامحى
حتى لونى قمحى... لون خيرك يامصر

كدة قالوا ....
والكل قال هنا انها حب فطرى وانا معاهم ... فعلا انت مثلا متقدرش تقول بحب امى لية بتحبها لية قول كدة ..:)
عندك سبب غير بالفطرة
وسبب تانى لو قلنا انها سنة مينفعش..؟؟ لا ينفع لان الرسول كان بيحب مكة وبيقول انها احب البلاد لقلبة بيحبها لية تفتكر؟؟؟؟ مع ان اهلها خرجوه منها؟؟؟ واحنا على سنتة بنحب بلادنا انتماء فطرة مفيش سبب محدد بنحبها
لو فكرنا شوية على مبدأ انا واخويا على ابن عمى وانا ابن عمى على الغريب هتبص تلاقينا بنحب البلد اللى اتولدت وعشت فيها وبالتالى الحضن الاكبر مصر ..وبعدين الامة الاسلامية ..وبعدين الامة العربية ... وبتبقى مع مصر على الكل ومع االمسلمين والعرب على الغريب او الغرب
تعرف انا دايما بحس ان كل العرب بيغيروا مننا لان بلدنا تتحب والكل بيحبها لانها ام الدنيا بجد فالدنيا كلها بتحبها

اما عن نعرفها اكتر عشان نحبها او نعرف سبب الحب ليكون عشقا ماااااشى معاك وعندك كل الحق عشان يكون عشق وعشان نعرف نتكلم عنها مش مجرد بحبها وبس وانا باشجع بشدة موضوع اننا بنبدأ نعرفها من قسم السياحة والسفر فكرة حلوة قوووووى بجد
لكنننننننن لو لقتها وحشة ... لو عرفت كل حاجة عنها ولقتها مش الصورة اللى انت عايزة ... لو واحد امة طلعت وحشة شكلا او موضوعا هيكرها ؟؟؟؟؟؟هتقدر متحبهاش؟؟؟؟؟؟؟؟
الام ام .. ومصر وطن

السؤال هنااااااااا
مش بنحبها لية !!! السؤال نعمل اية عشان نستاهل حبهااااااااا ؟؟؟؟؟ تعمل اية لمصر ... تسيبها ..؟؟ تتغرب ..؟؟ تتدفع ألافاااااااااات عشان تجيب فيزا لبلد تانية تروح تشقى فيها وتتغرب ؟؟؟؟ وكان ممكن بنص اللى دفعتة تعمل حاجة هنا ليها وليك ..؟؟؟؟ وتقول هى اللى طردتنى وكل همنا مستنين نفحة من ست الحبايب...؟؟؟؟؟؟ احنا اللى هنديها ايييييييية؟؟؟
والسؤال الاغرب هو فى حد مش بيحب مصر ؟؟؟
على فكرة ..... مصر ذكرت فى القرآن فى ثلاث مواضع معلش ياتايجر تقصد اية بال28 موضع؟؟؟؟؟
الرجوع الى أعلى الصفحة اذهب الى الأسفل
hana
.......... امــــــيـــــــرات المـــنـــــتـــــدى ..........
..........         امــــــيـــــــرات   المـــنـــــتـــــدى         ..........
avatar

عدد الرسائل : 328
العمر : 31
البلد : alex
العمل/الترفيه : INTERNET
الهواية / الاهتمامات : أخر روشنه
الشعبية بين الاعضاء : 0
النشاط : 7290
تاريخ التسجيل : 27/11/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الأحد 16 ديسمبر 2007, 12:39 pm

يا ريت بقى بلاك تايجر يعرفنا باقى ال28 موضع
كلامك حلو اوى يا سابرينا فى حب مصر
السؤال هنااااااااا
مش بنحبها لية !!! السؤال نعمل اية عشان نستاهل حبهااااااااا ؟؟؟؟؟ تعمل اية لمصر ... تسيبها ..؟؟ تتغرب ..؟؟ تتدفع ألافاااااااااات عشان تجيب فيزا لبلد تانية تروح تشقى فيها وتتغرب ؟؟؟؟ وكان ممكن بنص اللى دفعتة تعمل حاجة هنا ليها وليك ..؟؟؟؟ وتقول هى اللى طردتنى وكل همنا مستنين نفحة من ست الحبايب...؟؟؟؟؟؟ احنا اللى هنديها ايييييييية؟؟؟


ردوا يا شباب
الرجوع الى أعلى الصفحة اذهب الى الأسفل
قاموس الحب
عـــضــو فـــــضـــــى
عـــضــو فـــــضـــــى
avatar

عدد الرسائل : 612
العمر : 33
البلد : egypt
العمل/الترفيه : مهندس قوى ميكانيكيه
الهواية / الاهتمامات : 100 100
الشعبية بين الاعضاء : 3
النشاط : 7298
تاريخ التسجيل : 23/11/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الأحد 16 ديسمبر 2007, 1:12 pm

طبعا المفروض اي حد يحب بلده...لأن الي ملوش خير في بلده اكيد ملوش خير في حد..متقولش مصر اديتك ايه..طيب وانت اديت ايه لمصر.......مش معنى ان الناس الي في مصر بيكرهوك..يبقى انت تكره مصر...رأيي ان احنا الي بنزعل مصر مننا مش هيا الي بتزعلنا
الرجوع الى أعلى الصفحة اذهب الى الأسفل
جواد الفجر
صديق فعال
صديق  فعال
avatar

عدد الرسائل : 209
العمر : 33
البلد : الأسكندرية
العمل/الترفيه : الإبحار عبر الإنترنت
الهواية / الاهتمامات : معتدل صيفا ممطر شتاءا
الشعبية بين الاعضاء : 0
النشاط : 7256
تاريخ التسجيل : 14/12/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الأحد 16 ديسمبر 2007, 1:57 pm

السلام عليكم ورحمة الله و بركاته
بصراحة الموضوع جميل و أحب إنى أقول رأيى فيه ،أنا طبعا قرأت كل الردود و الكلام اللى اتكتب و معظم اللى قيل إن الحب ده فطرى و الكلام ده فعلا صحيح , لإن أى إنسان بينشأ فى مكان يستطيع فى أشباع احتياجاته بقدر المستطاع حتى لو كان قليل بيعتبر منطقة أمان ليه لا يستطيع الابتعاد عنها و لو بعد عنها يشعر بالقلق و التوتر لابتعاده عن منطقة الامان له.
و لما أجاوب زيكم على السؤال حقول بصوت عالى أيوه بحب مصر بس مش علشان نشأت فيها بس و لكن لأسباب أقوى من كده بكتير و أهمهم حب ربنا ليها و تفضيلها على كثير من البلدان
فقد ذكرت مصر فى القرءان الكريم في أربعة وعشرين موضعا خمسة منها بصريح اللفظ وتسعة عشر ما دلت عليه القرائن والتفاسير ,و ماذكرت أرضها إلا بالخير و الأمان. علشان كده بحب مصر لإن أرضها طيبة.
و روى فى حديث نبوى ( إذا فتح الله عليكم مصر فاتخذوا منها جندا كثيفا فإن فيها خير أجناد الأرض),
علشان كده لازم كلنا نحبها بس من غير تعصب لإن التعصب هو النيران اللى بتفرقنا علشان كده لازم يكون ولاءنا الأول و الأخير لله و للرسول.فكل بلاد المسلمين بلادى اللى بحبها و نفسى أشوفها دولة واحده قوية مهيمنة
الرجوع الى أعلى الصفحة اذهب الى الأسفل
ablacktigar
.......فــــــــــــــــــرســـان الـــــــمــــنـــــتـــــدى ........
.......فــــــــــــــــــرســـان  الـــــــمــــنـــــتـــــدى ........
avatar

عدد الرسائل : 240
العمر : 36
البلد : مصر
العمل/الترفيه : إنسان
الهواية / الاهتمامات : حزين
الشعبية بين الاعضاء : 0
النشاط : 7281
تاريخ التسجيل : 03/12/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الإثنين 17 ديسمبر 2007, 2:46 am

جمـــــــــــــــــــــــيلة الردود بس برضه مش فاهمين وجهة نظري كلكم مقتنعين بسبب وحيد لحبكم لمصر وبتقولوا أنه حب فطري طيب ليه منشغلش دماغنا وندور عن سبب جاذبية البلد دى ومش معنى أنى خدت اسم القصيدة بتاعت مروان البرغوثى كعنوان للموضوع أنى موافق على كل اللي قاله في ديوانه ( مكلفتوش نفسكم تقروه 2 بس اللي حملوه وقروه ) مع كل الإحباط واليأس اللي موجود في ديوانه فوصل لنهاية جميلة وقال روحوا اسألوا مصر عندها الإجابات لو فكرنا في إجابات مصر ياترى هترد رد الواثقة من نفسها وتقول إنا حضارة 70000 سنة أنا النيل أنا أم البلاد دخلوني الغزاة وما يئست أنا قاهرة الغزاة أنا التي أولادي يموتون من اجل حريتي أنا الذي عبر بى جميع الأنبياء وكنت الملاذ أمام الجميع في الكرب والهم أنا أم العرب.

ولا هتقول أنا مصر المحبطة اليائسة المعبأة بالهموم أولادي يموتون في العبارات والهجرات غير الشرعية ولا إيه ولا إيه.......................

وياسابرينا برضه لو عرفت مصر وعرفت كل حاجة عنها ولقيتها مش الصورة اللي أنا عايزها هرجع وأحبها تأنى وهرجع وأقول ( قالولى بتحب مصر فقلت مش عارف ) عشان تفضل مصر قدام عينيا .دا الواحد مننا لو حب إنسانة بيفضل يسأل نفسه هيا بتحب إيه ومبتحبش إيه عشان يرضيها ويكون الإنسان الجدير بحبها وتتفاخر بى ما بالك بقى ( دى مصر يا عب.... قصدي سابرينا ) أما بالنسبة للافااااااااااااااات

(إن الذين توفاهم الملائكة ظالمي أنفسهم قالوا فيم كنتم؟ قالوا: كنا مستضعفين في الأرض. قالوا: ألم تكن أرض اللّه واسعة فتهاجروا فيها؟ فاولئك مأواهم جهنم وساءت مصيرا . ألا المستضعفين من الرجال والنساء والولدان الذين لا يستطيعون حيلة ولا يهتدون سبيلاً، فأولئك عسى الله أن يعفو عنهم، وكان اللّه عفوا غفورا. ومن يهاجر في سبيل اللّه يجد في الأرض مراغما كثيرة وسعة. ومن يخرج من بيته مهاجرا إلى الله ورسوله ثم يدركه الموت، فقد وقع أجره على اللّه، وكان اللّه غفورا رحيما).


بالنسبة لردك يا قاموس منقولش أيه أديتنا مصر نقول هندي أيه لمصر يا حبايييييب مصر .جميل أننا عندنا الروح دى بس متبقاش أغنية وبس كل ما نتزنق نقولها
الرجوع الى أعلى الصفحة اذهب الى الأسفل
hana
.......... امــــــيـــــــرات المـــنـــــتـــــدى ..........
..........         امــــــيـــــــرات   المـــنـــــتـــــدى         ..........
avatar

عدد الرسائل : 328
العمر : 31
البلد : alex
العمل/الترفيه : INTERNET
الهواية / الاهتمامات : أخر روشنه
الشعبية بين الاعضاء : 0
النشاط : 7290
تاريخ التسجيل : 27/11/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الإثنين 17 ديسمبر 2007, 12:48 pm

طيب من غير ما قاموس الحب يقول منقولش ايه ادتنا مصر
ولا سابرينا تقول دى مصر يا عبله

السؤال موجه ليك شخصيا باسم كل الاعضاء واسمحوا لى اصدقائى بالنيابه عنكم

بلاك تايجر............انت ليه بتحب مصر؟؟؟

من غير قصايد ولا اشعار وكلام من القلب

وفين ال28 موضع
الرجوع الى أعلى الصفحة اذهب الى الأسفل
ablacktigar
.......فــــــــــــــــــرســـان الـــــــمــــنـــــتـــــدى ........
.......فــــــــــــــــــرســـان  الـــــــمــــنـــــتـــــدى ........
avatar

عدد الرسائل : 240
العمر : 36
البلد : مصر
العمل/الترفيه : إنسان
الهواية / الاهتمامات : حزين
الشعبية بين الاعضاء : 0
النشاط : 7281
تاريخ التسجيل : 03/12/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الإثنين 17 ديسمبر 2007, 2:30 pm




الرجوع الى أعلى الصفحة اذهب الى الأسفل
AZMERANDA
.......... امــــــيـــــــرات المـــنـــــتـــــدى ..........
..........         امــــــيـــــــرات   المـــنـــــتـــــدى         ..........
avatar

عدد الرسائل : 840
العمر : 35
البلد : رحااااااااله
العمل/الترفيه : معلمة قد الدنيا
الهواية / الاهتمامات : متقلب
مزاجى :
الشعبية بين الاعضاء : 2
النشاط : 7466
تاريخ التسجيل : 20/10/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الإثنين 17 ديسمبر 2007, 11:48 pm

(ازاي تهون علينا ارضنا..وطننا..ضحكه عنينا
هنا كانت تدريباتنا ..وهناك كانت حياتنا..هنا ضحكنا ولعبنا ..وشقينا وتعبنا..دى احلى ايام حياتنا ..دى ماضينا وذكرياتنا
وطن يعنى ام.. حضن يضم ..عشق يبدل كل همومك فرح .حب يمحى كل جرح.عاشقك يابلدى ومهما يحصل منك عاذرك ومعاكى يا ضحكه اهاتى حتى لو ضاق الكون عليا وما التقيت نظرة حنيه كفايه افتكرك وانتى خيرك سبب حياتى
ارفعي راسك ياغاليه كبري وباعلى صوت
طول ماصوتى لسه فيا امى مش راح تموت
راح اصونها جوا دمى ............كبري عالى يا امى)
ده جزء من زجل كتبته عن الوطن في يوم من الايام
بس احب اقول برضه انى بحب مصر ليه
كنت حكتب نفس كلام الادمن بالضبط لكن قلت اغير بقا طالما هو سبقنى وحقول:-
في البدايه انا اتولدت فيها فاصبح حبي فطري
بعد كده بدات اكبر على ارضها والعب
وبعدها عرفت اهلى واصحابي وجيرانى حبيتهم فبقي الحب ارتباط بالمكان اللى بلعب فيه والناس اللى بحبهم
بعد ماكبرت حبه عرفت انها بلد مباركه ارتبطت بيها اكتر وافتخرت بذكرها في القران
وكبرت وفهمت معنى الانتماء فبقيت نفسي اعمل كل حاجه علشان البلد تبقي في تقدم
وطبعا ده حماس كان في الاول بس
واتصدمنا بعدها بالواقع واللى فيه وحال البلد واسلوب الناس وسلوكهم
قلنا نغير من نفسنا الاول علشان نبقي قدوة لغيرنا
ومافيش حاجه بتتغير الواحد حس ان مافيش فايده مافيش تغيير فياس وزعل
ع الحلم اللى ضاع منه ومن هنا بدات السلبيه بس حب البلد لسه موجود جوايا
والدليل لما ابعد مقدرش.... بخاف اوى
مش بحس بالامان غير لما اكون معاها
بس الانتماء هو اللى بيقوى حبنا لمصر والدليل انك دلوقتى بقيت تلاقي الاولاد
مايعرفوش حاجه عن الانتماء
فاتقتل الحب الفطرى عندهم(ودى مشكله جيل جديد)
وبرضه اوعي تصدق كلام الشاب اللى مسافر اللى يقوللك
انا بلدى خدت منها حاجه علشان اقعد واديها
ده بيبقي قلبه حزين على فراقها وهو اكتر واحد بيبقي نفسه يرجعلها
كفايه فرحته لما يلاقي حد من بلده ياااااااااااااااه ع الفرحه
بيقول علطول اهلا بريحة الحبايب
ده رايي بس بجد الله ينور يا تايجر ع الموضوع وعاوزين نعرف رايك
ليه بتحب مصر
الرجوع الى أعلى الصفحة اذهب الى الأسفل
sabrina
.......... امــــــيـــــــرات المـــنـــــتـــــدى ..........
..........         امــــــيـــــــرات   المـــنـــــتـــــدى         ..........
avatar

عدد الرسائل : 943
العمر : 36
البلد : دى مصر ياعبلة
العمل/الترفيه : عمل ولا ترفية ..؟
الهواية / الاهتمامات : اللى تشوفوة
مزاجى :
الشعبية بين الاعضاء : 0
النشاط : 7292
تاريخ التسجيل : 27/11/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الخميس 20 ديسمبر 2007, 12:54 pm

مااااااااااااشى ياتايجر انت وهانا :( مالها دى مصر ياعبلة :)
عموما تعرفوا ان من كام يوم كان فى شباب من كذا بلد حصل لهم عملية نصب كل واحد دفع 60 ألف جنية عشان يسافر برة ونصبوا عليهم فقلت لطلبة عندى شباب بقولهم طيب بدل معاهم المبلغ دة مايعملوا بية مشروع هنا ويعيشوا فى بلدهم بكرامتهم قالوا لى ازااااااااااااى انا ادفع كدة واكتر من كدة المبالغ دى متعملش حاجة هنا اروح برة اجيبهم بخطوة واحدة :(:(:( دة تفكير كتييييييييير بيبيع كل اللى يملكة عشان يتغرب تفتكروا لية بنبيعها كدة ياتايجر انت بتقول لو بتحب واحدة بتشوف بتحب اية وتكرة اية ؟؟؟؟ مصر هتحب اية غير انها تفرح بولادها وتفخر بيهم على ارضها مش على ارض غريبة ؟؟؟؟ مصر هتحب اية الا نكون فيها وليها و بيها وانا مع ازميروا على اللى بيقول انا بلدى خدت منها حاجه علشان اقعد واديها فعلا بيبقى موجوع قوووووووووى على حالها وعلى انة ...... ضيق الدنيا على نفسة فمبقاش فية حل قدامة الا يسيبها ويتغرب
تعالى بقة نفكر هتدى لحبيبتك مصر اية ؟؟؟؟؟؟؟؟؟؟؟
وانا مع هانا تعبتنا ياراااااااااجل قول انت بقة وريحنا غلب حصانا :roll:
جواد شكرا على المعلومة تايجر شكرااااااااااااااااااا على المعلومة المقرونة بالدليل والبرهان عشان تسكتنا جزاكم الله كل خير
الرجوع الى أعلى الصفحة اذهب الى الأسفل
NoN_sToP
Admin
Admin
avatar

عدد الرسائل : 2337
العمر : 32
البلد : ام الدنيااااااا
العمل/الترفيه : لما نشوف
الهواية / الاهتمامات : مساء الخييييييير
مزاجى :
الشعبية بين الاعضاء : 15
النشاط : 7668
تاريخ التسجيل : 30/09/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الجمعة 21 ديسمبر 2007, 10:51 am

بجد يا جماعة
كلامكم كلكم جمييل جداا و
بيعبر قد ايه احنا بنحب البلد دى رغم اللى شايفينة فيها
بس زى ما اكتير مننا قال
احنا لازم نحول الكلام دة الى افعال
و على الاقل نبدا بنفسنا

_________________

“Only as high as I reach can I grow,
only as far as I seek can I go,
only as deep as I look can I see,
only as much as I dream can I be


الرجوع الى أعلى الصفحة اذهب الى الأسفل
http://friends.nice-topics.com
ablacktigar
.......فــــــــــــــــــرســـان الـــــــمــــنـــــتـــــدى ........
.......فــــــــــــــــــرســـان  الـــــــمــــنـــــتـــــدى ........
avatar

عدد الرسائل : 240
العمر : 36
البلد : مصر
العمل/الترفيه : إنسان
الهواية / الاهتمامات : حزين
الشعبية بين الاعضاء : 0
النشاط : 7281
تاريخ التسجيل : 03/12/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الأحد 10 فبراير 2008, 8:14 pm

كلنا حسينا إحساس واحد بالفرحة بالخوف لما كنا بنتفرج على ماتش (مصر والكاميرون ) ولما صفر الحكم كلنا فرحنا حد عرف ليه بقى هو بيحب مصر الإنتمــــــــــــــــــــاء لفكرة معينة او مكان معين هيا اللى تديك الشعور ده شعور الخوف والقلق على حبك على مبدائك ونـــــــــــــــــــرجع ونقول
قالولى بتحب مصر فقولت مش عـــــــــــــــــارف

المعنى كعبة وانا بوَقد الحروف طايف
وألف مغزل قصايد في الإدين لافف
قالولي بتحب مصر فقلت مش عارف
أنا لما أشوف مصر ع الصفحة بكون خايف
************

ما يجيش في بالي هرم ما يجيش في بالي نيل
ما يجيش في بالي غيطان خضرا وشمس أصيل
ولا جزوع فلاحين لو يعدلوها تميل
حكم الليالي ياخدهم في الحصاد محاصيل
ويلبّسوهم فراعنة ساعة التمثيل
وساعة الجد فيه سخرة وإسماعيل
ما يجيش في بالي عرابي ونظرته في الخيل
وسعد باشا وفريد وبقيّة التماثيل
ولا ام كلثوم في خِمسانها ولا المنديل
الصبح في التاكسي صوتها مبوظُّه التسجيل
ما يجيش في بالي العبور وسفارة اسرائيل
ولا الحضارة اللي واجعة دماغنا جيل ورا جيل
قالولي بتحب مصر أخدني صمت طويل
وجت في بالي ابتسامة وانتهت بعويل
الرجوع الى أعلى الصفحة اذهب الى الأسفل
highsoul
عـــضـــو مــتــــالـــق
عـــضـــو مــتــــالـــق
avatar

عدد الرسائل : 465
العمر : 31
البلد : -- egypt --
العمل/الترفيه : trader
الهواية / الاهتمامات : nos nos
الشعبية بين الاعضاء : 0
النشاط : 7184
تاريخ التسجيل : 19/01/2008

مُساهمةموضوع: رد: قالولي بتحب مصر..سؤال الكل لازم يجاوبه؟؟   الإثنين 11 فبراير 2008, 12:41 pm

طبعا بلدى ولازم احبها . . مش لازم انا فعلا بحبها وبعشقها . . واموت علشانها كمان .
الرجوع الى أعلى الصفحة اذهب الى الأسفل
RAPHYLO
.......... امــــــيـــــــرات المـــنـــــتـــــدى ..........
..........         امــــــيـــــــرات   المـــنـــــتـــــدى         ..........
avatar

عدد الرسائل : 257
العمر : 28
البلد : مصر
العمل/الترفيه : فنانه
الهواية / الاهتمامات : يا لذيذ يا رايق
الشعبية بين الاعضاء : 0
النشاط : 7376
تاريخ التسجيل : 15/10/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الإثنين 11 فبراير 2008, 6:27 pm

اكيد كلنا بنحب مصر
دى بلدى ومليش مكان غيرها
الرجوع الى أعلى الصفحة اذهب الى الأسفل
sabrina
.......... امــــــيـــــــرات المـــنـــــتـــــدى ..........
..........         امــــــيـــــــرات   المـــنـــــتـــــدى         ..........
avatar

عدد الرسائل : 943
العمر : 36
البلد : دى مصر ياعبلة
العمل/الترفيه : عمل ولا ترفية ..؟
الهواية / الاهتمامات : اللى تشوفوة
مزاجى :
الشعبية بين الاعضاء : 0
النشاط : 7292
تاريخ التسجيل : 27/11/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   السبت 23 فبراير 2008, 2:21 am

تـــايـجــر يابنى انا كنت كاتبة لك صفحة طويلة عريضة النت عملها وطير الصفحة
وانا عمررررى عمررررررى عمررررررررى مااكتبها تانى فهجيب لك من الاخر....
لانى ناوية لك من يوم الماتش وسنة لك سنانى بس لولا النت
فسر لى بقة
فرحتك وفرحتنا وفرحة المصريين وفرحة العرب وفرحة مصرين وعرب فى كل مكان فى العالم
فسر لى
فرحه الكل وسعادتك وانت شايف علم مصر بيترفع فى كل الدنيا فى نفس اللحظة
فسر لى
فخرنا بلعب المنتخب قبل فرحتنا بفوزة
فسر لى
فخرنا باخلاقهم قبل فخرنا بلعبهم
فسر لى الفرحة اللى كتير شبهوها ب 6 اكتوبر طبعا مش لانة عيد ميلادى انا اقصد نصر اكتوبر
فسر لى
وجع القلب دة
قالوا لى بتحب مصر اخدنى صمت طويل
وجت فى بالى ابتسامة و انتهت بعويل

وشكرا لحسن استماعكم
الرجوع الى أعلى الصفحة اذهب الى الأسفل
ablacktigar
.......فــــــــــــــــــرســـان الـــــــمــــنـــــتـــــدى ........
.......فــــــــــــــــــرســـان  الـــــــمــــنـــــتـــــدى ........
avatar

عدد الرسائل : 240
العمر : 36
البلد : مصر
العمل/الترفيه : إنسان
الهواية / الاهتمامات : حزين
الشعبية بين الاعضاء : 0
النشاط : 7281
تاريخ التسجيل : 03/12/2007

مُساهمةموضوع: رد: قالولي بتحب مصر..سؤال الكل لازم يجاوبه؟؟   الأحد 02 مارس 2008, 1:55 pm

اولا قبل ما ارد على كلامك فى فرق كبـــــــــــــــــــــــير قوي بين 6 أكتوبر وماتش كورة فرق بين الدم اللى انسال على ارض سيناء وبين لاعيبة بتلعب عشان تاخد فلوس فازوا اتغلبوا مكنتش هتفرق انما دول ناس ماتوا عشان يبقى لينا كرامة والحمد لله ضـــــــــــــــــــــــــــاعت وسط زحام الحياة ضاعت وسط المطاطية اللى بقينا فيها بقينا الاخت الكبرى اللى ملهاش كلمة بتشجب وبتدين بس انما تاخد موقف لا على طول على الحياد كامب ديفيد مقيدانا ما علينا مش هنخش اكتر من كده عشان لو دخلنا مش هنخلص كلام
خلينا فى سبب الفرحة اولا احنا مكناش احسن فرقة بتلعب كان فى احسن منا انما توفيق ربنا هو اللى فوزهم
تانى حاجة اعتقد ان سبب الفرحة الحزن اللى معشش جوه الناس مش لاقيين حاجة يفرحوا بيها فبيطلعوها فى فرحة وهمية اهى حاجة تنفس عنهم
انا مبقللش من اللى حصل هو حلو اننا نكسب فى الكورة ومش هنكر انى فرحت بس بصى وسط الفرحة والناس مشغولة بالفرحة ايه اللى حصل كام سلعة زادت سعرها ايه اللى حصل فى فلسطين غزة واللى حصل فيها وا.............كتير حصل هتقولى انى متشائم ايه يعنى متشائم متشائم بس ده اللى حصل
حب مصر انتماء
وارجع واقول قالولى بتحب مصر قـــــــــــــــــــــــولت
مش عارف
الرجوع الى أعلى الصفحة اذهب الى الأسفل
 
قالولي بتحب مصر..سؤال الكل لازم يجاوبه؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء :: جـــلـــسة حـــوار .... نتكلم بجد :: قضايا سياسيه-
انتقل الى: